ఇప్పుడు ఎక్కడ చూసినా సరే కల్కి గురించే మాట్లాడుకుంటున్నారు. ఎందుకంటే కల్కి సినిమా అందరినీ అంతగా ఆక్టుకుంటోంది. మన పురాణాలకు సంబంధం ఉందని.. కలియుగాంతంలో జరిగే ఘటనల ఆధారంగా సినిమా తీశారంటూ ప్రచారం జరుగుతోంది. ఈ నేపథ్యంలోనే వచ్చిన మూవీ టీజర్లు, ట్రైలర్ అంచనాలను అమాంతం పెంచేశాయి. దాంతో మూవీ కోసం అంతా ఈగర్ గా వెయిట్ చేస్తున్నారు.

ఇక ఈ మూవీని జూన్ 27న గ్రాండ్ గా రిలీజ్ చేయబోతున్నారు. ఇందులో భాగంగా మూవీ టీమ్ ఈ నెల 23న ప్రీరిలీజ్ ఈవెంట్ ను నిర్వహించబోతోంది. అది కూడా అమరావతిలోనే నిర్వహించాలని ప్లాన్ చేస్తున్నారంట. ఈ ఈవెంట్ కు సీఎం చంద్రబాబు చీఫ్‌ గెస్ట్ గా రాబోతున్నట్టు తెలుస్తోంది. దాంతో పాటు మెగాస్టార్ చిరంజీవి కూడా వస్తారంట.

ఆ తర్వాత చెన్నైలో మ్యూజికల్ ఈవెంట్ ను నిర్వహిస్తున్నట్టు సమాచారం. ఆ ఈవెంట్ కు సూపర్ స్టార్ రజినీకాంత్, కమల్ హాసన్ వస్తున్నారని తెలుస్తోంది. ఆ తర్వాత ఢిల్లీలో కూడా ఒక ఈవెంట్ ను ప్లాన్ చేస్తున్నారు. దానికి అమితాబ్ బచ్చన్ తో పాటు బాలీవుడ్ ప్రముఖులు హాజరవుతారని తెలుస్తోంది. ఒక సినిమాకు మూడు ఈవెంట్ లు నిర్వహించడం అంటే మాటలు కాదని అంటున్నారు. అయితే దీనిపై ఇంకా అధికారిక ప్రకటన అయితే రాలేదు.

పాన్ఇండియా స్టార్ ప్రభాస్ ప్ర‌ధాన పాత్ర‌లో తెరకెక్కుతున్న సినిమా ‘కల్కి 2898 AD’ ఒక‌టి. మహానటి ఫేమ్ నాగ్ అశ్విన్ దర్శకత్వం వహిస్తున్న ఈ సినిమా జూన్ 27వ తేదీన విడుదల కానుంది. వైజయంతి మూవీస్ బ్యాన‌ర్‌పై అశ్విన్ దత్ భారీ బడ్జెట్‌తో ఈ సినిమాను నిర్మిస్తున్నారు. దీపికా ప‌దుకొనే, దిశా ప‌టానీ క‌థానాయిక‌లుగా న‌టిస్తుండ‌గా అమితాబ్‌ బచ్చన్‌, కమల్‌ హాసన్‌, కీలక పాత్రలు పోషిస్తున్నారు. 

ఇక ఈ సినిమా విడుదల తేదీ దగ్గర పడుతుండటంతో ప్రభాస్ అభిమానులు ట్రైలర్ కోసం ఎదురుచూస్తున్నారు. ఈ క్రమంలో మేకర్స్ అదిరిపోయే అప్‌డేట్ ఇచ్చారు. ‘కల్కి 2898AD’ ట్రైలర్‌ను జూన్ 10వ తేదీన విడుద‌ల చేస్తున్నట్లు మేకర్స్ ప్రకటించారు. పనిలో పనిగా దీపికా ప‌దుకొనే కొత్త పోస్ట‌ర్‌ను విడుద‌ల చేశారు. ప్రస్తుతం ఈ పోస్టర్ నెట్టింట వైరల్ అవుతోంది. అదేవిధంగా ఈ సినిమా ప్రీ రిలీజ్ ఈవెంట్‌ను గ్రాండ్‌గా ప్లాన్ చేయ‌నున్నారు.

టాలీవుడ్ ఇండస్ట్రీలో మోస్ట్ ఎలిజిబుల్ బ్యాచిలర్ హీరో ఎవరు అంటే అందరికీ టక్కున ప్రభాస్ పేరు గుర్తుకు వస్తుంది. ఈయన కన్నా ఇండస్ట్రీలో చాలా చిన్నవారు ఇప్పటికే పెళ్లిళ్లు చేసుకొని సెటిల్ అయ్యారు. ఇప్పటివరకు ప్రభాస్ మాత్రం పెళ్లి గురించి ఎక్కడ స్పష్టంగా వివరించిన దాఖలాలు లేవు అయితే తాజాగా ప్రభాస్ సోషల్ మీడియా వేదికగా చేస్తున్నటువంటి ఒక పోస్ట్ ప్రస్తుతం సంచలనంగా మారింది. 

ప్రభాస్ సోషల్ మీడియాలో చాలా అరుదుగా పోస్టులు చేస్తూ ఉంటారు. అయితే తాజాగా ఈయన చేసిన ఈ పోస్ట్ చూస్తే మాత్రం తప్పకుండా ప్రభాస్ పెళ్లి చేసుకోబోతున్నారని తెలుస్తోంది. ప్రభాస్ ఇంస్టాగ్రామ్ స్టోరీ ద్వారా పోస్ట్ షేర్ చేస్తూ.. డార్లింగ్స్.. మొత్తానికి మా జీవితంలోకి ప్రత్యేకమైన వ్యక్తి రాబోతున్నారు వెయిట్ చేయండి అంటూ ఈయన చేసినటువంటి ఈ పోస్ట్ ఆసక్తి రేపుతుంది.

ఇలా స్పెషల్ వ్యక్తి రాబోతున్నారు అంటూ ప్రభాస్ పోస్ట్ చేయడంతో తప్పకుండా ఈయన పెళ్లి చేసుకుంటున్నారని,ఆయన జీవితంలోకి కొత్త వ్యక్తి రాబోతున్నారా అనే ఉద్దేశంతోనే ఈ పోస్ట్ చేశారని తెలుస్తోంది. మరి ప్రభాస్ చేసిన ఈ పోస్ట్ తన పెళ్లిని ఉద్దేశించే చేశారా లేకపోతే మరేదైనా ఉద్ధేశంతో చేశారా అనేది తెలియాల్సి ఉంది.