హీరోయిన్ నమిత గురించి సౌత్ఇండియాలో ప్రత్యేకంగా పరిచయం అవసరం లేదు. అప్పట్లో తన అంద, చందాలతో కుర్రాళ్లను ఊపేసింది. ఆమె జెమిని, నాయకుడు, బిల్లా, ఓయ్ సినిమాల్లో నటించింది. తెలుగు చిత్రాలతో పాటు తమిళ, కన్నడ, మలయాళ భాషల్లోనూ నటించింది ఈ ముద్దుగుమ్మ. అప్పట్లో స్టార్ హీరోయిన్ల రేసులో ఆమె ఉండేది. కానీ తెలుగుకంటే వేరే భాషల్లోనే ఎక్కువగా నటించింది.

అయితే ఆమె ఇండస్ట్రీకి దూరం అయి చాలాకాలం అవుతోంది. 2020లో మాయ అనే తమిళ మూవీలో చివరిసారిగా నటించింది. ఇక తాజాగా ఆమె ఓ ఇంటర్వ్యూలో మాట్లాడి తన ప్రెగ్నెన్సీ కష్టాలను వివరించింది. నేను 2021మొదటిసారి ప్రెగ్నెంట్ అయ్యాను. అప్పుడు నేను అమ్మనాన్నలతో కలిసి సూరత్ లో ఉండేదాన్ని. 

కానీ నాకు సంతోషం ఎక్కువ కాలం లేకుండాపోయింది. ఎందుకంటే నాలుగు నెలలకే గర్భ స్రావం అయింది. దాంతో తీవ్రంగా డిప్రెషన్ లోకి వెళ్లిపోయాను. కానీ అదృష్టంతో మరోసారి ప్రెగ్నెంట్ అయ్యాను. నాకు 2022లో ట్విన్స్ పుట్టారు. ఇప్పుడు ఫ్యామిలీతో చాలా సంతోషంగా గడుపుతున్నాను అంటూ తెలిపింది హీరోయిన్ నమి. ఆమె వీరేంద్ర చౌదరిని 2017లో పెళ్లాడింది. ప్రస్తుతం మరోసారి సినిమాల్లోకి రీ ఎంట్రీ ఇవ్వాలని ప్రయత్నాలు చేస్తోంది నమిత.