విశ్వంభర, ఢిల్లీ : 2024 పార్లమెంట్ ఎన్నికల్లో ఎన్డీయే కూటమి సంపూర్ణ విజయం సాధించింది. దీంతో మూడో సారి నరేంద్ర మోడీ భారత ప్రధానిగా ప్రమాణ స్వీకారం చేశారు. మోడీ 3.0 కేబినెట్ లో రాజ్‌నాథ్ సింగ్ వరుసగా రెండోసారి రక్షణ మంత్రిగా బాధ్యతలు అప్పగించారు. జూన్ 9న ప్రధాని మోడీతో పాటు కేంద్ర మంత్రిగా రాజ్ నాథ్ సింగ్ ప్రమాణ స్వీకారం చేయగా ఈ రోజు(గురువారం) రక్షణ మంత్రిగా బాధ్యతలు స్వీకరించారు.

ఉత్తరప్రదేశ్‌లోని లక్నో పార్లమెంటు నుంచి గెలిచిన ఆయన జూన్ 1, 2019 న మొదటిసారి రక్షణ మంత్రిగా బాధ్యతలు స్వీకరించారు. ఇదిలా ఉంటే.. ఇటీవల ముగిసిన ఎన్నికల్లో ప్రధాన సమస్య అయిన అగ్నిపథ్ పథకం, సాయుధ బలగాల కార్యాచరణ ఆకస్మిక పరిస్థితులతో పాటు వివిధ మిత్రపక్షాలు, రాజకీయ పార్టీల ఆందోళనలను పరిష్కరించడానికి పెద్ద మార్పులు అవసరం.

"భారత సరిహద్దును రక్షించడం మన ప్రధాన అంశంగా ఉంటుంది, మేము భారతదేశం సమగ్రత, సార్వభౌమత్వాన్ని పరిరక్షించడాన్ని కొనసాగిస్తాము. ప్రధాని మోదీ యొక్క దూర దృష్టితో కూడిన నాయకత్వంలో 'మేక్ ఇన్ ఇండియా'ను బలోపేతం చేయడానికి, రక్షణ తయారీ, ఎగుమతులను మరింత ఎత్తుకు తీసుకెళ్లడానికి మనల్ని మనం పునరంకితం చేస్తామని ట్విట్టర్ ద్వారా తెలిపారు.

ఈటల రాజేందర్ పేరు ఇప్పుడు తెలంగాణ రాజకీయాల్లో హాట్ టాపిక్ అవుతోంది. ఎందుకంటే ఇప్పుడు కేంద్రంలో ఎన్డీయే ప్రభుత్వం అధికారంలోకి వచ్చింది. తెలంగాణ నుంచి కిషన్ రెడ్డికి, బండి సంజయ్ కు కేంద్రమంత్రి పదవులు దక్కాయి. దాంంతో ఇప్పుడు కిషన్ రెడ్డి పార్టీ రాష్ట్ర అధ్యక్ష బాధ్యతల నుంచి తప్పుకోనున్నారు.

దాంతో ఇప్పుడు పార్టీ పగ్గాలు ఈటల రాజేందర్ కే ఇస్తారని జోరుగా ప్రచారం జరుగుతున్న నేపథ్యంలో.. తాజాగా సోమవారం నాడు అమిత్ షాతో ఈటల ప్రత్యేకంగా భేటీ కావడం సంచలనం రేపుతోంది. అయితే పార్టీ రాష్ట్ర అధ్యక్ష పదవిపై ఈటల రాజేందర్ స్పందించారు. ఆ విషయం తాను ఎలా చెప్పగలను అన్నారు.

పార్టీ అధిష్టానం ఆ విషయాన్ని నిర్ణయిస్తుందని తెలిపారు. ఆయన మాటలను బట్టి పార్టీ పగ్గాలు ఆయనకే ఇవ్వబోతున్నారని అర్థం అవుతోంది. తెలంగాణ నుంచి ఒక్క ఈటలతో మాత్రమే అమిత్ షా భేటీ అయ్యారు. అంటే కచ్చితంగా ఆయనకే పార్టీ పగ్గాలు అని.. రెండు, మూడు రోజుల్లో స్పష్టత వచ్చే అవకాశం ఉంది.