నాంపల్లి ఎగ్జిబిషన్ మైదానంలో జరుగుతున్న చేప ప్రసాదం పంపిణీలో విషాదం చోటుచేసుకుంది. క్యూ లైన్‌లో నిలబడిన ఓ వ్యక్తి తోపులాటలో సొమ్మసిల్లి పడిపోయాడు. వెంటనే అతన్ని ఆస్పత్రికి తరలించారు. అయితే, ఆ వ్యక్తి ఆస్పత్రిలో చికిత్స పొందుతూ మృతి చెందాడు. మృతుడు నిజామాబాద్ జిల్లాకు చెందిన వ్యక్తిగాపోలీసులు గుర్తించారు. 

 మృగశిర కార్తె సందర్భంగా ఆస్తమా బాధితులకు ఈ చేప మందు పంపిణీ కార్యక్రమాన్ని చేపట్టారు. ఏటా ఈ కార్యక్రమానికి ఇతర రాష్ట్రాలు, జిల్లాల నుంచి ప్రజలు పెద్దఎత్తున తరలివస్తున్నారు. వారికోసం నిర్వాహకులు ఏర్పాట్లు చేశారు. రెండ్రోజుల ముందే చేప మందుకోసం చాలామంది నాంపల్లి ఎగ్జిబిషన్ మైదానంకు చేరుకుని షెడ్లలో బస చేశారు. శనివారం ఉదయం 9గంటలకు ప్రారంభమైంది. అయితే కొన్నిగంటల్లో ఈ విషాదం చోటు చేసుకుంది.