Tటీ20 ప్రపంచ కప్‌ 2024లో భారత్ అదరగొడుతోంది. ఇప్పటికే రెండు మ్యాచ్ లు గెలచిన టీమ్ ఇండియా.. వరుసగా మూడో మ్యాచ్ లో కూడా విజయం సాధించింది. బుధవారం నాడు అమెరికాతో న్యూ యార్క్‌ వేదికగా జరిగిన మ్యాచ్ లో టీమ్ ఇండియా మొదటగా టాస్ గెలిచి ఫీల్డింగ్ ఎంచుకుంది. బ్యాటింగ్ కు దిగిన అమెరికా 20 ఓవర్లలో 8 వికెట్లు కోల్పోయి కేవలం 110 పరుగులు చేసింది. నితీశ్‌కుమార్‌ (27) టాప్ స్కోరర్.

ఇక 111 పరుగుల లక్ష్యంతో బరిలోకి దిగిన ఇండియాకు ఆదిలోనే పరాభవం ఎదురైంది. ఓపెనర్లు కెప్టెన్ రోహిత్ (3), విరాట్ కోహ్లీ (0) మరోసారి ఘోరంగా నిరాశ పరిచారు. ఇక రిషభ్ పంత్ కూడా కేవలం 18 పరుగులు చేసి ఔట్ అయ్యాడు. దాంతో సూర్యకుమార్ యాదవ్ కీలక ఇన్నింగ్స్ ఆడాడు. సూర్యకుమార్ యాదవ్ 49 బంతుల్లో 50 నాటౌట్, 2 ఫోర్లు, 2 సిక్స్‌లతో ఆదుకున్నాడు. 

దాంతో ఇండయా 111 పరుగుల లక్ష్యాన్ని 18.2 ఓవర్లలో మూడు వికెట్లు కోల్పోయి ఛేదించింది. ఇక శివం దూబే కూడా ( 35 బంతుల్లో 31 నాటౌట్, 1 ఫోర్, 1 సిక్స్‌) కూడా కీలక ఇన్నింగ్స్‌ ఆడాడు. అంతకు ముందు అమెరికాను నాలుగు వికెట్లు తీసి కట్టడి చేసిన పేసర్ అర్షదీప్ కు ప్లేయర్ ఆఫ్ ది మ్యాచ్ లభించింది.

డ‌ల్లాస్ వేదిక‌గా జ‌రిగిన టీ20 ప్ర‌పంచ‌క‌ప్‌ మ్యాచ్‌లో శ్రీలంక‌కు ఘెర ప‌రాభ‌వం ఎదురైంది. ఆ జ‌ట్టు బంగ్లాదేశ్ చేతిలో ఓట‌మిని చవిచూసింది. టాస్ ఓడి మొద‌ట బ్యాటింగ్ చేసిన శ్రీలంక నిర్ణీత 20 ఓవ‌ర్ల‌లో 9 వికెట్ల‌కు 124 ప‌రుగులకు మాత్రమే పరిమితమైంది. శ్రీలంక బ్యాట‌ర్ల‌లో ఓపెన‌ర్ నిస్సాంక 47 ర‌న్స్‌తో రాణించ‌గా, ధ‌నుంజ‌య 21, డిసిల్వా 19 ప‌రుగుల‌తో రాణించారు. బంగ్లాదేశ్ విజ‌యంలో హృదోయ్ (40), లిట‌ర్ దాస్ (36) కీల‌కంగా వ్యవహరించారు. శ్రీలంక బౌల‌ర్ల‌లో నువాన్ తుషార 4, హస‌రంగ 2 వికెట్లు పడగొట్టారు. 

ఇక ఈ ఓట‌మితో శ్రీలంక సూప‌ర్‌-8 అవ‌కాశాలు సంక్లిష్టంగా మారాయి. ఇప్ప‌టికే త‌న తొలి లీగ్‌ మ్యాచ్‌లో శ్రీలంక ఓడిపోయింది. ఇవాళ్టి మ్యాచ్‌లోనూ ప‌రాజ‌యంతో ఈ టీ20లో శ్రీలంకకు ఇది రెండో ఓటమి. బ్యాట‌ర్లు విఫలమవడంతో బంగ్లాదేశ్‌ విజృంభించింది. బంగ్లా బౌల‌ర్ల‌లో ముస్తాఫిజుర్‌, రిష‌ద్ హుస్సేన్ చెరో మూడు వికెట్లు ప‌డ‌గొట్టి లంక బ్యాట‌ర్ల‌కు చెమటలు పట్టించారు. అనంత‌రం 125 ప‌రుగుల స్వ‌ల్ప ఛేద‌న‌తో బ్యాటింగ్‌కి దిగిన బంగ్లాదేశ్ 19ఓవ‌ర్ల‌లో 8 వికెట్లు కోల్పోయి ల‌క్ష్యాన్ని చేరుకుంది.