మెగా వారసుడిగా రామ్ చరణ్‌ ఇండస్ట్రీలో బాగానే నిలదొక్కుకున్నాడు. తండ్రికి తగ్గ తనయుడిగా ఇండస్ట్రీలో రాణిస్తున్నాడు రామ్ చరణ్‌. అయితే ఇన్నేండ్లు రామ్ చరణ్‌ వరుసగా షూటింగులకు హాజరయ్యేవాడు. దాంతో కుటుంబంతో పెద్దగా సమయం గడిపేవాడు కాదు. కానీ ఇప్పుడు రామ్ చరణ్‌ కు ఓ కూతురు ఉంది. 

పెళ్లైన పదేండ్ల తర్వాత రామ్ చరణ్‌-ఉపాసన దంపతులకు క్లింకార పుట్టింది. అందుకే ఇప్పుడు తన కూతురు కోసం రామ్ చరణ్‌ ఓపెద్ద నిర్ణయం తీసుకున్నట్టు చెబుతున్నాడు. తాజాగా ఆయన ఓ మీడియాతో మాట్లాడుతూ ఈ విషయాలు తెలిపాడు. ఇక నుంచి నా కూతురు క్లింకార కోసం కొంత టైమ్ కేటాయించాలని అనుకుంటున్నాను. 

వరుష షూటింగుల వల్ల క్లింకారను వదిలి వెళ్లలేకపోతున్నాను. కాబట్టి కొన్నాళ్లు నా కూతురు కోసం నెమ్మదిగా సినిమాలు చేస్తాను. ఎందుకంటే నా కూతురుకు నేను బానిస అయిపోయాను. ఆమె కోసం కొన్నాళ్ల పాటు సమయం కేటాయించాలని డిసైడ్ అయ్యాను. లోకల్ లో షూటింగ్స్ ఉంటే కచ్చితంగా సాయంత్రం 6 గంటల లోపే ఇంటికి వచ్చేస్తాను. నా నిర్మాతలకు కూడా ఇదే విషయం చెబుతాను అంటూ తెలిపాడు రామ్ చరణ్‌. తన కూతురు స్కూల్ కు వెల్లేదాకా అలాగే వెళ్తానని తెలిపారు.

మొన్నటి ఏపీ ఎన్నికల్లో ఎన్డీయే కూటమి భారీ మెజార్టీతో విజయం సాధించిన విషయం తెలిసిందే. అయితే ఇందులో ప్రధానంగా పవన్ కల్యాణ్‌ పేరు హైలెట్ అవుతోంది.ఆయన వల్లే విజయం సాధించారని.. ఇంకా చెప్పాలంటే ఇది పవన్ కల్యాణ్‌ విజయం అన్నట్టు పెద్ద ఎత్తున ప్రచారం జరుగుతోంది. ఇటు మెగా ఫ్యామిలీ కూడా పెద్ద ఎత్తున సంబురాలు చేసుకుంటోంది.

ఇక ప్రమాణ స్వీకార కార్యక్రమంలో ప్రధాని నరేంద్ర మోడీ చిరంజీవి, పవన్ కల్యాణ్‌ చేతులను పట్టుకుని అభివాదం చేసిన ఫొటో అయితే సోషల్ మీడియాను షేక్ చేసి పడేసింది. ఇదే ఫొటోను రామ్ చరణ్‌ భార్య ఉపాసన పోస్టు చేస్తూ... ‘కంగ్రాచులేషన్స్ పవన్ కళ్యాణ్ బాబాయ్. జనాలు చాలా బాగా ఆలోచించి జనసేన పార్టీని ఎన్నుకున్నారు. జై హింద్’ అంటూ ట్వీట్ చేసింది.

ఇంకేముంది దానిపై పెద్ద చర్చ జరుగుతోంది. ఎందుకంటే ఆమె ట్వీట్ లో చిరంజీవిని మామయ్య అని పవన్ కల్యాణ్‌ ను బాబాయ్ అనడంపై ఆశ్చర్యం వ్యక్తం చేస్తున్నారు. అదేంటి చిరు మామయ్య అయినప్పుడు పవన్ బాబాయ్ ఎలా అవుతాడని అంటున్నారు. ఇంకొందరేమో ఆమె గతంలో కూడా పవన్ ను బాబాయ్ అంటూ సంబోధించిన విషయాన్ని గుర్తు చేస్తున్నారు. ఇక మీదట అయినా పవన్ ను బాబాయ్ అని పిలవమ్మా అంటూ సలహాలు ఇస్తున్నారు.

ఈనాడు సంస్థల అధినేత రామోజీరావు మృతితో సినీ ఇండస్ట్రీ శోకసంద్రంలో మునిగిపోయింది. గేమ్ ఛేంజర్ సినిమా షూటింగ్‌లో ఉన్న రామ్ చరణ్, డైరెక్టర్ శంకర్‌లు షూటింగ్ స్పాట్‌లోనే నివాళులర్పించారు. వారితో పాటు నటులు సునీల్, రఘు కారుమంచి ఇతర చిత్ర బృంద సభ్యులు రెండు నిమిషాల పాటు మౌనం పాటించారు. దీనికి సంబంధించిన వీడియో సోషల్ మీడియాలోవైరల్ అవుతోంది.

రామోజీరావు గారి మరణం తెలుగు ప్రజలకు తీరని లోటని తెలిపారు. హైదరాబాద్ నుంచి ప్రత్యేక విమానంలో హీరో రామ్ చరణ్ రాజమండ్రి ఎయిర్‌పోర్ట్ కు చేరుకున్నారు. కోనసీమ జిల్లా బొబ్బర్లంకలో జరిగే గేమ్ చేంజర్ షూటింగ్ కోసం రాజమండ్రి చేరుకున్న రామ్ చరణ్ రాత్రి అక్కడే బస చేశారు. బొబ్బర్లంకలో శంకర్ దర్శకత్వంలో గేమ్ చేంజర్ సినిమా నిర్మితమవుతోంది. మూడు రోజుల పాటు జరగనున్న సినిమా షూటింగ్ లో రామ్ చరణ్ పాల్గొంటారు.