ఢిల్లీ మద్యం కుంభకోణం కేసులో బీఆర్ ఎస్ ఎమ్మెల్సీ అరెస్ట్ అయి తీహార్ జైలులో ఉన్న సంగతి తెలిసిందే. బెయిల్ కోసం ఎన్ని సార్లు పిటిషన్లు వేసినా.. కోర్టులు తిరస్కరిస్తున్నాయి. అంతే కాకుండా ఆమెకు వరుసగా జ్యుడీషియల్ రిమాండ్ ను పెంచుతూనే ఉన్నాయి కోర్టులు. ఇక ప్రస్తుతం ఆమెకు ఢిల్లీలోని రౌస్ అవెన్యూ కోర్టు జ్యుడీషియల్ రిమాండ్‌ను మరో రెండు వారాల పాటు పొడిగించింది. 

ఈ క్రమంలోనే తీహార్ జైల్లో ఉన్న కవితను తాజాగా బీఆర్ ఎస్ వర్కింగ్ ప్రెసిడెంట్ కేటీఆర్ వెళ్లి కలిశారు. ఈ సందర్భంగా ఆమె ఆరోగ్యం గురించి అడిగి తెలుసుకున్నారు కేటీఆర్. బెయిల్ కోసం చేస్తున్న ప్రయత్నాలతో పాటు రాష్ట్ర రాజకీయ పరిస్థితుల గురించి కూడా అడిగి తెలుసుకున్నారు కవిత.

ఇక కవిత లిక్కర్ కేసులో ఆమెకు వరుసగా పరాజయం ఎదురవుతోంది. సీబీఐ దాఖలు చేసిన సప్లిమెంటరీ ఛార్జిషీట్‌ను రౌస్‌ అవెన్యూ కోర్టు అంగీకరించింది. ఈ మేరకు సీబీఐ కేసులో ఈ నెల 21 వరకు కవిత జ్యుడీషియల్‌ రిమాండ్‌ విధించింది. ఇక కవిత ప్రస్తుతం చదువుకోవడానికి 9 పుస్తకాలను ఇచ్చారు.

తెలుగు పత్రికా, మీడియా రంగానికి రామోజీరావు లేని లోటు ఎప్పటికీ పూడ్చలేనిదని సీఎం రేవంత్ రెడ్డి అన్నారు. రామోజీరావు మృతి పట్ల సంతాపం వ్యక్తం చేశారు. ఎక్స్ వేదికగా ఆయన ట్వీట్ చేస్తూ..తెలుగు జర్నలిజానికి విశ్వసనీయత, తెలుగు పారిశ్రామిక రంగానికి రామోజీరావు విలువలు జోడించారని పేర్కొన్నారు. ఆయన ఆత్మకు శాంతి చేకూరాలని భగవంతున్ని ప్రార్థిస్తూ వారి కుటుంబసభ్యులకు తన ప్రగాఢ సానుభూతి తెలుపుతున్నట్లు ప్రకటించారు.

అదేవిధంగా మాజీ సీఎం కేసీఆర్ రామోజీరావు మృతిపట్ల సంతాపం వ్యక్తం చేశారు. పలు రంగాల్లో వ్యాపార వేత్తగా, మీడియా సంస్థల వ్యవస్థాపకుడిగా వారందించిన సేవలను కేసీఆర్ స్మరించుకున్నారు. శోక తప్తులైన వారి కుటుంబసభ్యులకు కేసీఆర్ బీఆర్ఎస్ తన ప్రగాఢ సానుభూతిని తెలిపినట్లు బీఆర్ఎస్ అధికారిక ఎక్స్ ఖాతాలో పోస్ట్ చేసింది.