ఇక నుంచి ఏపీలో ఉపాధ్యాయుల బదిలీలు పారదర్శకంగా ఉంటాయని మంత్రి నారా లోకేష్ తెలిపారు. గతంలో టీడీపీ ప్రభుత్వంలో అమలుచేసిన పారదర్శక విధానాలనే ఇప్పుడు కూడా అమలు చేస్తామని ఆయన వెల్లడించారు. శనివారం ఉండవల్లి నివాసంలో ఆయన విద్యాశాఖ ఉన్నతాధికారులతో సమీక్ష నిర్వహించారు. ఈ సందర్భంగా లోకేష్ మాట్లాడుతూ.. విద్యాశాఖలో పూర్తి స్థాయి మార్పులు రావాలన్నారు.

వైసీపీ ప్రభుత్వ హయాంలో మధ్యలోనే ఆగిపోయిన ఫేజ్-2 పనులు, ఫేజ్-3 పనులను పూర్తి చేయలని అధికారులను ఆదేశించారు. అంతే కాకుండా రాష్ట్ర వ్యాప్తంగా స్కూళ్లలో సదుపాయాలను పూర్తి స్థాయిలో అందించాలని ఆదేశించారు. ఇక స్కూళ్లలో మధ్యాహ్న భోజనంపై కూడా ఆరా తీశారు నారా లోకేష్. విద్యార్థులకు అందిస్తున్న మధ్యాహ్న భోజనం కూడా రుచికరంగా, నాణ్యతతో ఉండాలిన సూచించారు.

స్కూళ్లలో పారిశుధ్యం నిర్వహణకు సంబంధించి ఢిల్లీ ప్రభుత్వం సహా ఇతర రాష్ట్రాల్లో స్కూల్స్ శానిటేషన్ విధానాలను అధ్యయనం చేసి వాటినే మన రాష్ట్రంలో కూడా అమలు చేయాలని తెలిపారు. టీడీపీ ప్రభుత్వ హయాంలో విద్యావ్యవస్థకే ప్రాధాన్యత ఎక్కువ ఇస్తామని ఆయన వివరించారు. అలాగే రాష్ట్ర వ్యాప్తంగా ఎన్ని స్కూల్స్ ను గత ప్రభుత్వంలో మూసేశారో, అందుకు కారణాలను తెలిపాలన్నారు. దాంతో పాటు సీబీఎస్ ఈ స్కూళ్ల వినియోగంపై కూడా పూర్తి స్థాయి వివరణ అందజేయాలని అధికారులను ఆదేశించారు.

తెలంగాణ టీచర్లకు గుడ్ న్యూస్ వచ్చింది. టీచర్ల బదిలీలు, పదోన్నతులకు సంబంధించిన షెడ్యూల్ విడుదల అయింది. పదవీ విరమణకు మూడేండ్ల  వ్యవధి ఉన్న వారికి కచ్చితంగా మినహాయింపు ఇచ్చింది తెలంగాణ ప్రభుత్వం. వీటితో పాటు మరో విషయాన్ని కూడా తెలిపింది తెలంగాణ ప్రభుత్వం.

పండిట్, పీఈటీ పోస్టుల్లో అప్ గ్రేడేషన్ చేస్తున్నట్టు వివరించారు అధికారులు. మల్టీ జోన్ 2లో హెచ్‌ఎం ప్రమోషన్, మల్టీ జోన్ 1 లో స్కూల్ అసిస్టెంట్ ప్రమోషన్‌తో షెడ్యూల్ ను ఖరారు చేసింది తెలంగాణ ప్రభుత్వం. ఇక్కడ మరో విషయాన్ని కూడా తెలిపింది తెలంగాణ ప్రభుత్వం. గతంలో కోర్టు కేసులతో ఎక్కడ అయితే ప్రక్రియ ఆగిపోయిందో అక్కడి నుంచే మళ్లీ మొదలు కానుంది బదిలీలు.

దీన్ని టెట్ తో సంబంధం లేకుండానే స్టార్ట్ చేయాలిన అధికారులు చూస్తున్నారు. నేటి నుంచే అంటే జూన్ 8 నుంచే ఈ ప్రక్రియ మొదలు కానుంది. జోన్ వన్ లో 22 వరకు, జోన్ 2 లో 30 వరకు బదిలీల ప్రక్రియ సాగనుంది.