ఈ సారి తెలుగు రాష్ట్రాలకు ఎక్కువ కేంద్ర మంత్రి పదవులు వచ్చిన సంగతి తెలిసిందే. కేంద్రంలో ఎన్డీయే ప్రభుత్వం కొలువు దీరగా.. బీజేపీ పార్టీ తన మిత్ర పక్షాలతో కలిసి ప్రభుత్వాన్ని ఏర్పాటు చేసింది. ఇక తెలుగు రాష్ట్రాల నుంచి మొత్తం ఐదుగురికి కేంద్ర మంత్రి పదవులు వరించాయి. 

దాంతో నేడు వారంతా బాధ్యతలు స్వీకరించారు. శ్రీకాకుళం ఎంపీ రామ్మోహన్ నాయుడు పౌర విమానయాన శాఖ మంత్రిగా బాధ్యతలు స్వీకరించారు. ఇక తెలంగాణ నుంచి కిషన్ రెడ్డి బొగ్గు గనుల శాక మంత్రిగా ప్రమాణ స్వీకారం చేశారు. కరీంనగర్ ఎంపీ అయిన బండి సంజయ్ కూడా బాధ్యతలు తీసుకున్నారు. 

ఆయన కేంద్ర హోంశాఖ సహాయ మంత్రిగా బాధ్యతలు స్వీకరించారు. దాంతో వారికి అధికారులు, ఇటు రాజకీయ నేతల నుంచి శుభాకాంక్షలు వెల్లువెత్తుతున్నాయి. ఇక దేశంలోనే అతిచిన్న వయస్కుడైన కేంద్ర మంత్రిగా రామ్మోహన్ నాయుడు రికార్డు సృష్టించారు.

2024 లోక్ సభ ఎన్నికలకు కొత్తగా ఎన్నికైన ఎంపీల్లో అత్యధిక ధనవంతులు ఎవరనే ఆసక్తి అందరిలోనూ ఉంది. అయితే ఈ అవకాశం మన తెలుగు వారికే దక్కింది. ఇద్దరు తెలుగు వాళ్లే టాప్-1, 2 స్థానాల్లో ఉన్నారు. వారు ఎన్నికల కమిషన్ కు అందించిన వివరాల ప్రకారం.. ఏపీలోని గుంటూరు ఎంపీగా గెలిచిన టీడీపీ నేత పెమ్మసాని చంద్రశేఖర్ దేశంలోనే అత్యధిక తనవంతుడైన ఎంపీగా నిలిచారు. 

ఈయన తన ఆస్తులను రూ. 5,705 కోట్లుగా ఎన్నికల అఫిడవిట్ లో ప్రకటించారు. ఈయన వృత్తిరీత్యా డాక్టర్. అయితే ఒక డాక్టర్ కు ఇన్ని వేల కోట్లు ఆస్తులు ఎక్కడి నుంచి వచ్చాయో ఎవరికీ అర్థం కావట్లేదు. ఆయన పేరు మీద రూ.2వేల కోట్లు, భార్య పేరు మీద మరో రెండువేల కోట్లు, కొడుకు, కూతురు పేరు మీద కలిపి మరో వెయ్యి కోట్లు ఉన్నట్టు ఆయన తెలిపారు.

తెలంగాణలోని చేవెళ్ల బీజేపీ ఎంపీ అభ్యర్థి కొండా విశ్వేశ్వర రెడ్డి రూ.4,568 కోట్లతో రెండో ధనిక ఎంపీగా నిలిచారు. ఆయన 2019 ఎన్నికల్లో అఫిడవిట్ లో తన ఆస్తులు రూ.895 కోట్లుగా చూపించారు. కానీ ఈ ఐదేళ్లలోనే ఆయన ఆస్తులు అమాంతం పెరిగిపోయాయి. ఇలా వీరిద్దరూ దేశంలోనే ధనవంతులైన ఎంపీలుగా రికార్డు నెలకొల్పారు.