పవన్ కల్యాణ్‌ ఇన్ని రోజులు సినిమాల్లోనే ట్రెండ్ సెట్ చేసేవారు. కానీ ఇప్పుడు ప్రభుత్వంలోకి వచ్చాక తన దైన మార్క్ పాలన అంటే ఏంటో చూపిస్తున్నారు. ఇప్పటికే తన శాఖ అధికారులను ఉరుకులు, పరుగులు పెట్టిస్తున్నారు. జనసేన ఆఫీసులోనే జనతా దర్బార్ ను నిర్వహిస్తున్నారు. ప్రజల సమస్యలను అక్కడికక్కడే పరిష్కరిస్తూ శభాష్ అనిపించుకుంటున్నారు. 

ఈ క్రమంలోనే తాజాగా మరో కీలక నిర్ణయం తీసుకున్నారు. జనసేనకు కేటాయించిన శాఖలపై సూచనలు, సలహాలు ఇవ్వాలంటూ ప్రజల కోసం క్యూ ఆర్ కోడ్ ను విడుదల చేశారు. దాన్ని స్కాన్ చేస్తే గూగుల్ లో ఫామ్ ను ఫిల్ చేసేలా ఏర్పాటు చేశారు. అందులో ప్రజలు తమదైన సలహాలు, సూచనలు ఇవ్వొచ్చు. 

జనసేనలో పవన్ కల్యాణ్‌ కు పంచాయతీరాజ్, గ్రామీణాభివృద్ధి, గ్రామీణ నీటి సరఫరా, అటవీ, పర్యావరణ, సైన్స్ అండ్ టెక్నాలజీ శాఖలు, పౌరసరఫరాశాఖ మంత్రిగా నాదెండ్ల మనోహర్‌, సినిమాటోగ్రఫీ, టూరిజం శాఖ మంత్రిగా కందుల దుర్గేష్‌ బాధ్యతలు చేపట్టారు. కాబట్టి ఈ శాఖలపై పవన్ కల్యాణ్‌ సూచనలు తీసుకోవడం అంటూ ప్రశంసనీయమే అంటున్నారు పలువురు నెటిజన్లు. 

జ‌న‌సేన అధినేత పవన్ కల్యాణ్ పర్సనల్ సెక్యూరిటీ గార్డు వెంకట్ ఇంటిపై కొంద‌రు దుండగులు దాడికి పాల్ప‌డ్డారు. హైదరాబాద్‌ మీర్‌పేట్‌లోని లెనిన్ నగర్‌లో ఉన్న వెంకట్ ఇంటిపైన రాళ్లు, రాడ్లు, కత్తులతో వెళ్లి సీసీ కెమెరాలను ధ్వంసం చేశారు. పాత కక్షలతోనే రాజు అనే వ్యక్తి వెంకట్ ఇంటి ముందు ఉన్న బైక్‌కు నిప్పుపెట్టి ఇంటిపై రాళ్లతో దాడి చేసిన‌ట్లు తెలుస్తోంది.

కాగా, వెంకట్ తన భార్య సరిత, ఇద్ద‌రు పిల్ల‌ల‌తో కలసి ఐదేళ్లుగా లెనిన్ నగర్‌లో నివాసముంటూ కుటుంబాన్ని పోషించుకుంటున్నాడు. ఈ క్ర‌మంలో ఇంటి ఎదురుగా ఉండే రాజు వారి బంధువులు పాత గొడవల నేపథ్యంలో ఈనెల 15న‌ రాత్రి ఘ‌ర్ష‌ణ‌కు దిగారు. ఇంటి ప‌క్క‌న‌ ఉండే ఓ యువకుడు వెంకట్ కూతురు పట్ల అసభ్యకరంగా ప్రవర్తించాడు. దీంతో వెంకట్ భార్య సరిత ఆ యువకుడిని కొట్టడంతో వివాదం మొదలైంది.  

అదేవిధంగా మే 15వ తేదీన వెంకట్ ఇంటిపై కర్రలు, ఇటుకలు, ఇనుప రాడ్‌లతో దాడి చేసి ఇంట్లో ఉన్న సీసీ కెమెరాలు ధ్వంసం చేశారు. వెంకట్ కుటుంబ సభ్యులపై దాడికి పాల్ప‌పడ్డారు. దీంతో వెంక‌ట్ త‌న కుటుంబ స‌భ్యుల‌తో క‌లిసి మీర్‌పేట్ పోలీసుల‌ను ఆశ్రయించారు. బాధితుడి ఫిర్యాదు మేరకు పోలీసులు కేసు నమోదు చేసుకుని దర్యాప్తు చేపట్టారు.