విశ్వంభర, హైదరాబాద్ : పార్టీ నుండి తీన్మార్ మల్లన్న సస్పెన్షన్‌పై తెలంగాణ పీసీసీ చీఫ్ మహేశ్ కుమార్ గౌడ్ స్పందించారు. తీన్మార్ మల్లన్న కులగణన పత్రాలను తగులబెట్టారని, దీనిని తీవ్రంగా పరిగణించినట్లు చెప్పారు. పార్టీ షోకాజ్ నోటీసులు జారీ చేస్తే, దానికి కూడా స్పందించలేదని ఆగ్రహం వ్యక్తం చేశారు. అన్ని అంశాలను పరిశీలించిన తర్వాతే తీన్మార్ మల్లన్నను పార్టీ నుంచి సస్పెండ్ చేసినట్లు చెప్పారు. పార్టీ వ్యతిరేక కార్యకలాపాలకు ఎవరు పాల్పడినా చర్యలు తప్పవని హెచ్చరించారు.

ఇటీవల కాంగ్రెస్ ప్రభుత్వం చేపట్టిన కులగణనను తీన్మార్ మల్లన్న తప్పుబట్టారు. కాంగ్రెస్ ప్రభుత్వంపై విమర్శలు గుప్పించారు.పార్టీలో ఉంటూ పార్టీ పార్టీకి వ్యతిరేకంగా మాట్లాడటం, కులగణన పత్రాలను తగులబెట్టడంతో ఫిబ్రవరి 5న కాంగ్రెస్ క్రమశిక్షణ కమిటీ షోకాజ్ నోటీసులు జారీ చేసింది. పార్టీ వ్యతిరేక చర్యలపై వివరణ కోరింది. ఫిబ్రవరి 12వ తేదీలోపు వివరణ ఇవ్వాలని ఆ నోటీసుల్లో పేర్కొంది. గడువులోగా తీన్మార్ మల్లన్న నుంచి సమాధానం రాకపోవడంతో తాజాగా సస్పెండ్ చేసింది.

విశ్వంభర, హైదరాబాద్ : రంగారెడ్డి జిల్లాకు మంత్రి పదవి ఇవ్వడానికి సామాజిక సమీకరణాలు అడ్డొస్తే తాను రాజీనామా చేసి, ఎవరినైనా గెలిపించేందుకు సిద్ధమని జిల్లాకు చెందిన ఇబ్రహీంపట్నం ఎమ్మెల్యే మల్‌రెడ్డి రంగారెడ్డి అన్నారు. గాంధీ భావం లో ఈరోజు  ఆయన మీడియాతో మాట్లాడుతూ, రంగారెడ్డి జిల్లా కార్యకర్తలకు అన్యాయం చేయవద్దని, జిల్లా అభివృద్ధి కోసం అవసరమైతే తాను రాజీనామా చేయడానికి కూడా సిద్ధమేనని అన్నారు.

జిల్లాలో మంత్రి ప్రాతినిధ్యం కోసం రాజీనామా చేయమంటే చేస్తానని వ్యాఖ్యానించారు. ఇటీవల పార్టీలోకి వచ్చిన వారికి మంత్రి పదవులు ఇచ్చారని వాపోయారు. పార్టీ కోసం కష్టపడిన వారిని పక్కన పెట్టడం సరికాదని ఆయన అన్నారు. పార్టీలోకి ఎవరైనా వస్తే గౌరవం ఇవ్వాలే కానీ, పదవులు కాదని అన్నారు. రాష్ట్రంలోనే అధిక జనాభా కలిగిన రంగారెడ్డి జిల్లాకు మంత్రి పదవి రావాలని ఆయన అన్నారు. 

నల్లగొండ-వరంగల్-ఖమ్మం పట్టభద్రుల ఎమ్మెల్సీ ఉప ఎన్నికకు సంబంధించి ఓట్ల లెక్కింపు ప్రక్రియ కొనసాగుతోంది. అయితే పోల్ అయిన ఓట్లలో ఎక్కువ శాతం చెల్లని ఓట్లు వస్తుండటం అధికారులకు తలనొప్పిగా మారింది. దీంతో బరిలో నిలిచిన అభ్యర్థులు టెన్షన్ పడుతున్నారు. చెల్లని ఓటు నిర్ధారించే క్రమంలో పలుమార్లు అధికారులు, ఏజెంట్ల మధ్య వాగ్వాదం నెలకొంది. 

ఆ క్రమంలోనే కౌంటింగ్కు ఆలస్యమవుతోంది. పట్టభద్రులై ఉండి అవగాహన రాహిత్యంతో ఓటు వేయడం చర్చనీయాంశమవుతోంది. ముఖ్యంగా చెల్లని ఓట్లలో ఎక్కువగా కాంగ్రెస్ అభ్యర్థి మల్లన్నకే ఎక్కువగా ఉన్నట్లు అధికారులు తెలిపారు. ఓట్లపై ‘జై జై మల్లన్న’ ‘ఐ లవ్ యూ మల్లన్న’ అంటూ కొందరు.. బ్యాలెట్ పేపర్ తిరగేసి అంకెలు రాశారు మరికొందరు. 

రెండు రౌండ్లు పూర్తయ్యే సరికి తీన్మార్ మల్లన్నకు 70,785ఓట్లు పోల్ అయ్యాయి. బీఆర్ఎస్ అభ్యర్థి రాకేష్ రెడ్డికి 56,113, బీజేపీ అభ్యర్థి ప్రేమేందర్ రెడ్డికి 23,236, స్వతంత్ర అభ్యర్థి అశోక్ పాలకూరికి 20,037 పోలయ్యాయి. ఇప్పటి వరకు 15,126 చెల్లని ఓట్లను అధికారులు గుర్తించారు. చెల్లిన ఓట్లు 1,77,151 అని తెలిపారు. కాంగ్రెస్ అభ్యర్థి మల్లన్న ప్రస్తుతం 14,672ఓట్ల మెజారిటీతో ముందంజలో ఉన్నారు.