ఏపీలో ఎన్డీయే కూటమి కొలువుదీరింది. చంద్రబాబు నాయుడు నాలుగోసారి సీఎంగా ప్రమాణ స్వీకారం చేశారు. ఆయనతో పాటు 24 మంది మంత్రులుగా ప్రభుత్వంలో ఉన్నారు. అయితే టీడీపీ నుంచి 21 మంది ఉండగా.. జనసేన నుంచి ముగ్గురికి అవకాశం దక్కింది. బీజేపీ నుంచి ఒకరికి మాత్రమే కేబినెట్ లో ఛాన్స్ ఇచ్చారు. జనసేన నుంచి పవన్ కల్యాణ్, కందుల దుర్గేశ్, నాదెండ్ల మనోహర్ లు మంత్రులుగా అవకాశం దక్కించుకున్నారు. ఇక బీజేపీ నుంచి సత్యకుమార్ కు మాత్రమే అవకాశం దక్కింది. మంత్రులుగా ప్రమాణ స్వీకారం చేసింది వీరే..

1. నారా చంద్రబాబు నాయుడు (ముఖ్యమంత్రి, కుప్పం)
2. కొణిదెల పవన్ కళ్యాణ్ (డిప్యూటీ సీఎం, పిఠాపురం)
3. కింజరాపు అచ్చెన్నాయుడు (టెక్కలి)
4. కొల్లు రవీంద్ర (మచిలీపట్నం)
5. నాదెండ్ల మనోహర్ (తెనాలి)
6. పి.నారాయణ (నెల్లూరు సిటీ)
7. వంగలపూడి అనిత (పాయకరావుపేట)
8. సత్యకుమార్ యాదవ్ (ధర్మవరం)
9. నిమ్మల రామానాయుడు (పాలకొల్లు)
10. ఎన్.ఎమ్.డి.ఫరూక్ (నంద్యాల)
11. ఆనం రామనారాయణరెడ్డి (ఆత్మకూరు)
12. పయ్యావుల కేశవ్ (ఉరవకొండ)
13. అనగాని సత్యప్రసాద్ (రేపల్లె)
14. కొలుసు పార్థసారధి (నూజివీడు)
15. డోలా బాలవీరాంజనేయస్వామి (కొండేపి)
16. గొట్టిపాటి రవి కుమార్ (అద్దంకి)
17. కందుల దుర్గేష్ (నిడదవోలు)
18. గుమ్మడి సంధ్యారాణి (సాలూరు)
19. బీసీ జనార్థన్ రెడ్డి (బనగానపల్లె)
20. టీజీ భరత్ (కర్నూలు)
21. ఎస్.సవిత (పెనుకొండ)
22. వాసంశెట్టి సుభాష్ (రామచంద్రాపురం)
23. కొండపల్లి శ్రీనివాస్ (గజపతినగరం)
24. మండిపల్లి రామ్ ప్రసాద్ రెడ్డి (రాయచోటి)
25. నారా లోకేష్ (మంగళగిరి)

అయితే 24 మందిలో 17 మంది కొత్తవారికి అవకాశం దక్కింది. మొత్తం మంత్రులలో ముగ్గురు మహిళలు ఉన్నారు. ఎనిమిది మంది బీసీలు, ఎస్సీలు ఇద్దరు, ఎస్టీ ఒకరు, ముస్లిం మైనారిటీల నుంచి ఒకరికి, వైశ్యుల నుంచి ఒకరికి మంత్రి పదవి దక్కింది. ఇక కాపులు నలుగురు, కమ్మ సామాజిక వర్గానికి చెందిన వారు నలుగురు, రెడ్లకు ముగ్గురికి ఛాన్స్ వచ్చింది. 

చంద్రబాబు నాయుడు ఏపీ ముఖ్యమంత్రిగా ప్రమాణ స్వీకారం చేశారు. ఉమ్మడి రాష్ట్రంలో రెండు సార్లు, నవ్యాంధ్ర ప్రదేశ్ కు రెండుసార్లు.. మొత్తం నాలుగోసారి ఆయన ప్రమాణ స్వీకారం చేశారు. జూన్ 12న బుధవారం ఉదయం 11.27 నిమిషాలకు సింహలగ్నంలో బాధ్యతలు స్వీకరించారు. ఆయనతో గవర్నర్ ప్రమాణస్వీకారం చేయించారు. 

ఈ వేడుకకు ప్రధాని నరేంద్ర మోడీతో పాటు అమిత్ షా, కేంద్ర మంత్రులు, ముఖ్య నేతలు, సినీ సెలబ్రిటీలు హాజరయ్యారు. ముఖ్యమంత్రిగా నారా చంద్రబాబు నాయుడు ఇప్పటికే మూడుసార్లు పనిచేయగా.. ఇప్పుడు ఆయన రికార్డును ఆయనే తిరగరాస్తూ నాలుగోసారి ప్రమాణ స్వీకారం చేశారు.

14 ఏళ్లు ముఖ్యమంత్రిగా ఉన్న ఏకైక తెలుగు నేతగా చంద్రబాబుకు ట్రాక్ రికార్డు ఉంది. ఇప్పుడు నాలుగోసారి అంటే.. ఏకంటా 19 ఏళ్లు ముఖ్యమంత్రిగా చేసిన అనుభవం ఆయన సొంతం అవుతుంది. ఆయనతో పాటు పవన్ కల్యాణ్‌, ఇతర మంత్రులు అందరూ ప్రమాణ స్వీకారం చేశారు.

అసెంబ్లీ ఎన్నికల్లో టీడీపీ-జనసేన-బీజేపీ కూటమి తిరుగులేని విజయాన్ని సొంతం చేసుకుంది. ఈ నేపథ్యంలో ఏపీ సీఎంగా టీడీపీ అధినేత చంద్రబాబు ప్రమాణ స్వీకారం ఈనెల 9వ తేదీన నిర్ణయించిన విషయం తెలిసిందే. అయితే, తాజా సమాచారం ప్రకారం ఆ తేదీలో మార్పు చేసినట్లు తెలుస్తోంది. ఈనెల 9వ తేదీన ప్రధానిగా మోడీ ప్రమాణ స్వీకారం ఉండటంతో చంద్రబాబు ప్రమాణ స్వీకారం ఈనెల 12వ తేదీన చేయించేందుకు నిర్ణయం తీసుకున్నట్లు సమాచారం. 

చంద్రబాబు నాయుడు ఆంధ్రప్రదేశ్ ముఖ్యమంత్రిగా ప్రమాణ స్వీకారం చేసేందుకు ముందుగానే రెండు తేదీల్లో పండితులు మంచి ముహూర్తాలు చూశారు. అందుకే ప్రమాణ స్వీకారంలో మార్పు చేసుకోవడానికి ఏ ఇబ్బందీ రాలేదని పార్టీ వర్గాలు చెబుతున్నాయి. అదేవిధంగా ప్రమాణస్వీకారం చేసే ప్రాంతంపై ఇవాళ స్పష్టత వచ్చే అవకాశం ఉంది. ఇప్పటికే చంద్రబాబు ప్రమాణ స్వీకారానికి సంబంధించిన ఏర్పాట్లను ప్రముఖ దర్శకుడు బోయపాటి శ్రీనుకు అప్పగించినట్లు తెలుస్తోంది. బోయపాటి చంద్రబాబుతో పాటు, బాలయ్యకు అత్యంత సన్నిహితడనే విషయం తెలిసిందే.