ఆంధ్రప్రదేశ్ అసెంబ్లీ ఎన్నికల ఫలితాల్లో టీడీపీ, జనసేన, బీజేపీ కూటమి ప్రభంజనం సృష్టించిన విషయం తెలిసిందే. దీంతో సినీ పరిశ్రమ, మెగా ఫ్యామిలీ సంబరాలు చేసుకుంటుంది. పవన్ కళ్యాణ్‌కు శుభాకాంక్షలు తెలుపుతున్నారు. సినీ పరిశ్రమ ప్రముఖులు, మెగా ఫ్యామిలీ కూడా సోషల్ మీడియాలో పోస్టులు చేస్తున్నారు. ఈ క్రమంలో పవన్ తనయుడు అకిరా నందన్ సోషల్ మీడియాలో స్పెషల్ పోస్ట్ చేసాడు. 

తన ఇన్‌స్టాగ్రామ్ స్టోరీలో పవన్ కళ్యాణ్ ఫోటో షేర్ చేసి సెల్యూట్ ది కెప్టెన్ అని పోస్ట్ చేసాడు. నిజానికి అకిరా నందన్ ఇన్‌స్టాగ్రామ్ అకౌంట్ ఏంటో ఎవరికీ తెలీదు. అకిరా చాలా పర్సనల్‌గా తన సోషల్ మీడియా అకౌంట్‌ను వాడుతున్నట్లు తెలుస్తోంది. దాన్ని స్క్రీన్ షాట్ చేసిన రేణు దేశాయ్ తన ఇన్‌స్టాగ్రామ్ స్టోరీలో పోస్ట్ చేసి అకిరా అకౌంట్, ఆ పేరు కనబడకుండా జాగ్రత్త పడింది. అకిరా తన నాన్న గెలుపుపై పోస్ట్ చేసాడు అంటూ రేణూదేశాయ్ రాసుకొచ్చింది. 

దీంతో రేణు దేశాయ్ చేసిన ఈ పోస్ట్ వైరల్‌గా మారింది. మరి అకిరా ఇన్‌స్టాగ్రామ్ అకౌంట్ ఏంటో అని పవన్ అభిమానులు వెతికే పనిలో ఉన్నారు. ఇదిలా ఉండగా కూటమి విజయంలో జనసేన అధినేత పవన్ కళ్యాణ్ ముఖ్య పాత్ర పోషించారు. అసెంబ్లీ 21స్థానాల్లోనూ, లోక్ సభ రెండు స్థానాల్లోనూ జనసేన విజయం సాధించింది. పవన్ కళ్యాణ్ కూడా పిఠాపురం నుంచి దాదాపు 70 వేలకు పైగా భారీ మెజార్టీతో గెలుపొందడంతో పవన్ ఫ్యాన్స్ ఆనందానికి అవధులు లేకుండా పోయాయి.

https://www.instagram.com/stories/renuudesai/3383048210754059018?igsh=YXVwMW9hcHF3emN2