ఆంధ్రప్రదేశ్ కి పవన్ కల్యాణ్ డిప్యూటీ సీఎం గా తన పనితనం ఏంటో చూపిస్తున్నారు. జనం కోసం నేను  జనంలో నేను అంటు ప్రజల సమస్యలను ఐదు సంవత్సరాల కాలంలో తాను పరష్కారం చేయాలనుకున్న కార్యక్రమాలపై పవన్ కల్యాణ్ దృష్టి పెట్టారు. సినిమాలో తనకంటూ ఒక స్పెషల్ ఇమేజ్ ని సంపదించుకున్న పవన్ కల్యాణ్.. ఇప్పుడు ఏ నిర్ణయం తీసుకున్నా  దానిలో ప్రత్యెకత ఉండాల్సిందే అంటున్నారు. 

ఎమేల్యె పదవి కోసం దశాబ్దాలుగా ఎదురు చూసిన పవన్ కల్యాణ్ ఇప్పుడు ఆంధ్రప్రదేశ్ కి డిప్యూటీ సీఎం పదవి లో వున్నారు. జనవాణి సభలో ప్రజల నుంచి వినతిపత్రాలను అందుకుని వాటిని పరిష్కరించడంలో దృష్టి పెట్టారు. అందులో భాగంగానే శివకుమారి తన కూతురు కనిపించడం లేదని పవన్ ను ఆశ్రయించారు. పశ్చిమగోదావరి జిల్లా భీమవరానికి చెందిన శివకుమారి డిప్యూటీ సీఎంకి ఫిర్యాదు చేసింది. విజయవాడలో చదువుకుంటున్న తన  కుమార్తెను ప్రేమ పేరుతో కిడ్నాప్ చేశారని పవన్ కల్యాణ్ కి మొరపెట్టుకుంది. మాచవరం పోలీస్‌ స్టేషన్లో కంప్లెట్ చేసినా..  స్పందించడం లేదని మొరపెట్టుకుంది శివకుమారి.
 
ఈ విషయంపై స్పందించిన పవన్ కల్యాణ్.. మైనర్ బాలిక ఎక్కడ ఉందో తెలుసుకోవాలిని  తానే స్వయంగా మాచవరం సీఐకి ఫోన్ చేసి కేసు వివరాలను తెలుకున్నారు. బాలిక ఎక్కడ ఉందో తెలుసుకోవడం కోసం జనసేన నాయకులను ఇచ్చి బాధితులను మాచవరం పోలీసు స్టేషన్ కు పంపించారు. వేంటనే చర్యలు తీసుకోవాలని ఆదేశించారు. బాలిక కోసం ఒక ప్రత్యేక బృందాన్ని రంగంలోకి దించామని పోలీసులు తెలిపారు.

మంచు లక్ష్మి ఎప్పటికప్పుడు సోషల్ మీడియాలో వైరల్ అవుతూనే వుంటుంది. ఇక తాజాగా ఆమె యక్షిణి వెబ్ సిరీస్ ప్రమోషన్ లో బిజీగా వుంది. ఈ కార్యక్రమంలో ఆమె ఏపీ ఎలక్షన్ల గురించి మాట్లాడింది. ఆమె మాట్లాడుతూ ఈ సారి ప్రజలు చాలా భిన్నమైన తీర్పు ఇచ్చారని చెప్పుకొచ్చింది మోహన్ బాబు కూతురు. 

పవన్ కల్యాణ్‌ ఎంతో మందికి స్ఫూర్తి దాయకం అని.. ఆయన కష్టానికి ఫలితం దక్కిందంటూ తెలిపింది. పవన్ కల్యాణ్‌ పదేండ్లు తిట్టినా సరే నిలబడ్డాడంటూ కామెంట్లు చేసింది మంచు లక్ష్మీ. పవన్ కల్యాణ్‌ ఎక్కడా తగ్గకుండా నిలబడ్డ తీరు అందరికీ స్ఫూర్తి దాయకం అంటూ కొనియాడింది మంచు లక్ష్మీ. 

ఇక జగన్ కూడా కొంత ఫీల్  అయి ఉండొచ్చని.. బాధ పడి ఉండొచ్చని తెలిపింది. ఎందుకంటే జగన్ కూడా ప్రజలకు అంత మంచి చేసినా ఓడిపోయాననే బాధ ఉండి ఉండొచ్చని తెలిపింది మంచు లక్ష్మీ. రాబోయే ఐదేండ్లు ఏపీకి మంచి జరగాలని కోరుకుంటున్నట్టు తెలిపింది. అయితే ఇన్ని రోజులు జగన్ కు మద్దతుగా ఉన్న మంచు కుటుంబం.. ఇప్పుడు తాజాగా లక్ష్మీ ఇలా పవన్ ను పొగడటంతో పవన్ ఫ్యాన్స్ సంతోషం వ్యక్తం చేస్తున్నారు. 

జనసేన శాసనసభాపక్ష నేతగా పవన్‌కల్యాణ్ ఏకగ్రీవంగా ఎన్నికయ్యారు. మంగళగిరిలోని ఆ పార్టీ కార్యాలయంలో  ఎమ్మెల్యేల సమావేశం ఇవాళ(మంగళవారం) ముగిసింది. ఈ భేటీలో ఆ పార్టీ శాసనసభాపక్ష నేతగా పవన్‌కల్యాణ్‌ పేరును ఎమ్మెల్యే నాదెండ్ల మనోహర్ ప్రతిపాదించారు. ఈ సందర్భంగా పవన్‌కల్యాణ్‌ను ఎమ్మెల్యేలు ఏకగ్రీవంగా ఎన్నుకున్నారు. కాగా  విజయవాడలో జరగబోయే ఎన్డీయే కూటమి ఎమ్మె‍ల్యేల సమావేశానికి పవన్‌తో పాటు జనసేన ఎమ్మెల్యేలు హాజరు కానున్నారు.

ఇదిలా ఉండగా బీజేపీ రాష్ట్ర కార్యాలయంలో ఆ పార్టీ ఎమ్మెల్యేలు భేటీ అయ్యారు. ఎమ్మెల్యేలతో పాటు బీజేపీ రాష్ట్ర అధ్యక్షురాలు పురందేశ్వరి హాజరయ్యారు. ఈ సందర్భంగా అధిష్ఠానం ప్రకటనకు అందరూ కట్టుబడి ఉండాలని నిర్ణయించారు. కూటమిపై విశ్వాసంతో మంచి విజయాన్ని సాధించారని అభినందించారు. సీఎం ప్రమాణ స్వీకార సభకు ప్రధాని మోడీ, కేంద్ర మంత్రి అమిత్ షా రానున్నారని తెలిపారు. రాష్ట్ర బీజేపీ తరఫున సభకు హాజరవుతున్నట్లు పురందేశ్వరి వెల్లడించారు.

ఏపీలో ఇప్పుడు ఎన్డీయే కూటమి అధికారంలోకి వచ్చింది. టీడీపీ సొంతంగానే మెజార్టీ సీట్లను సాధించుకుంది. కానీ కూటమి విజయంలో పవన్ కల్యాణ్‌ కీలకంగా వ్యవహరించారు. పవన్ ఇమేజ్ వల్లే కూటమి గెలిచిందనే ప్రచారం బలంగా ఉంది. అయితే ఇప్పుడు చంద్రబాబు కూటమి నుంచి సీఎం కాబోతున్నారు. 

దాంతో పవన్ కల్యణ్‌ కు డిప్యూటీ సీఎం పదవి ఖాయం అంటూ ఎప్పటి నుంచో ప్రచారం జరుగుతోంది. దానిపై తాజాగా ఇండియా టుడే వెల్లడించింది. నిన్న అంటే ఆదివారం పవన్ కల్యాణ్ కేంద్రమంత్రి వర్గ ప్రమాణ స్వీకారానికి హాజరయ్యారు. ఈ సందర్భంగా అక్కడి మీడియాతో.. డిప్యూటీ సీఎం పదవి తీసుకోవడానికి సుముఖత వ్యక్తం చేశారు. 

అదే విషయాన్ని ఇండియా టుడే వెల్లడించింది. ఈ నెల 12న ఏపీ కొత్త సీఎం మంత్రుల ప్రమాణ స్వీకారం ఉండబోతోంది. అయితే ఏ పార్టీకి ఎన్ని మంత్రి పదవులు, డిప్యూటీ సీఎం ఎవరికి అనే దానిపై మంగళవారం నాడు ఎన్డీయే కూటమి సమావేశంలో క్లారిటీ రాబోతోంది. చూస్తుంటే కచ్చితంగా పవన్ కల్యాణ్‌ కు డిప్యూటీ సీఎం పదవి వచ్చే అవకాశాలు కనిపిస్తున్నాయి.

దేశంలో మరోసారి ఎన్డీయే అధికారంలోకి వచ్చింది. మోడీ సర్కార్ మూడోసారి కొలువుదీరబోతోంది. అయితే ఈ సారి బీజేపీకి సొంతంగా మెజార్టీ సీట్లు రాలేదు. కానీ ఎన్డీయే మిత్ర పక్షాలతో కలిసి ప్రభుత్వాన్ని ఏర్పాటు చేస్తున్నారు. ఈ సందర్భంగా శుక్రవారం నాడు ఢిల్లీలో ఎన్డీయే పక్ష నేతగా మోడీని ఎన్నుకున్నారు. ఈ సందర్భంగా సమావేశం ఏర్పాటు చేశారు.

ఇందులో పవన్ కల్యాణ్‌ మాట్లాడుతూ మోడీని ఆకాశానికి ఎత్తేశారు. ఢిల్లీలోని ఎన్డీయే 3.0 కూటమి సమావేశంలో ఆయన పాల్గొన్నారు. మోడీ నాయకత్వానికి ఎన్డీయే మద్దతు ఇస్తున్నట్టు తెలిపారు. మోడీ ఉన్నంత కాలం ఇండియా ఏ దేశానికి కూడా తలొగ్గే పరిస్థితి లేదని స్పష్టం చేశారు పవన్ కల్యాణ్‌. ఆయన నేతృత్వంలో పనిచేయడం సంతోషంగా భావిస్తున్నట్టు చెప్పారు.

ఇక మోడీ సలహా వల్లనే ఎన్డీయే ఘన విజయం సాధించిందని పవన్ అన్నారు. ఆయనకు ఎన్డీయే పక్షాల సంపూర్ణ మద్దతు ఎప్పటికీ ఉంటుందని తేల్చి చెప్పారు. రాబోయే ఐదేండ్లు ఎన్డీయే పరిపాలన దేశాన్ని మరో ఎత్తుకు తీసుకెళ్తుందని ఆశిస్తున్నట్టు తెలిపారు పవన్ కల్యాణ్‌.  

విశ్వంభర, హైదరాబాద్ :  ఏపీలో కూటమి విజయం సాధించిన సందర్భంగా ప్రముఖులు స్పందిస్తున్నారు. కూటమికి అభినందనలు తెలుపుతున్నారు. ఈ క్రమంలోనే మెగాస్టార్ చిరంజీవి కూడా ఎమోషనల్ పోస్ట్ చేశారు. తన తమ్ముడు పవన్ కల్యాణ్‌ ను ఉద్దేశించి ఆయన ట్వీట్ ఏశారు. డియర్ కళ్యాణ్ బాబు.. ఎక్కడ నెగ్గాలో, ఎక్కడ తగ్గాలో తెలిసిన నిన్ను, తగ్గావని ఎవరు అనుకున్నా అది ప్రజలని నెగ్గించటానికే అని నిరూపించిన నిన్ను చూస్తుంటే ఒక అన్నగా గర్వంగా వుంది. నువ్వు గేమ్ ఛేంజర్‌వి మాత్రమే కాదు, మ్యాన్ అఫ్ ది మ్యాచ్ వి కూడా అని అందరూ నిన్ను కొనియాడుతుంటే నా హృదయం ఉప్పొంగుతోంది. నీ కృషి, నీ త్యాగం, నీ ధ్యేయం, నీ సత్యం జనం కోసమే. ఈ అద్భుతమైన ప్రజా తీర్పు, రాష్ట్ర భవిష్యత్తు కోసం, ప్రజల సంక్షేమం కోసం, అలాగే నీ కలల్ని, నువ్వు ఏర్పరుచుకున్న లక్ష్యాల్ని నిజం చేసే దిశలో నిన్ను నడిపిస్తాయని ఆకాంక్షిస్తూ, ఆశీర్వదిస్తూ, శుభాభినందనలు. నువ్వు ప్రారంభించే ఈ కొత్త అధ్యాయంలో నీకు శుభం కలగాలని, విజయం సాధించాలని మనస్ఫూర్తిగా ఆశిస్తున్నాను అంటూ ఎమోషనల్ గా రాసుకొచ్చారు చిరంజీవి.

చంద్రబాబుకు విషెస్..

ఏపీలో కూటమి విజయం సాధించడంతో చంద్రబాబుకు ప్రత్యేకంగా విషెస్ తెలిపారు చిరంజీవి. ఈ క్రమంలో ఎక్స్ లో ఇలా రాసుకొచ్చారు చిరంజీవి. ప్రియమైన చంద్రబాబు నాయుడు గారికి , చరిత్రలో అరుదైన విజయాన్ని అందుకున్న మీకు  ముందుగా శుభాకాంక్షలు, అభినందనలు. ఈ మహత్తర విజయం, మీ మీద ప్రజలకు వున్న నమ్మకానికి, మీ నాయకత్వ పటిమకు, రాష్ట్రానికి గత వైభవం తిరిగి తేగలిగిన మీ దక్షతకు నిదర్శనం. రాజకీయ దురంధరులైన మీ మీద, పవన్ కల్యాణ్, నరేంద్ర మోడీ గారి మీద ప్రజలు కనపరచిన విశ్వాసాన్ని సంపూర్ణంగా నిలబెట్టుకొని, రాజధాని లేని, గాయపడిన రాష్ట్రాన్ని తిరిగి గాడిన పెట్టి నెంబర్ వన్ గా తీర్చిదిద్దుతారని ఆశిస్తున్నాను అంటూ రాసుకొచ్చారు చిరంజీవి.