టీడీపీ అధినేత చంద్రబాబు నాయుడు ఎన్నికల్లో ఘన విజయం సాధించి ఆంధ్రప్రదేశ్ ముఖ్యమంత్రిగా ప్రమాణ స్వీకారం చేయడానికి సిద్ధమయ్యారు. ఈనెల 12వ తేదీ(బుధవారం) ఉదయం 11.27గంటలకు చంద్రబాబు ప్రమాణ స్వీకారం చేస్తారని ప్రకటించిన విషయం తెలిసిందే. అయితే, సమయం మారిందని 9.27గంటలకే చంద్రబాబు ప్రమాణ స్వీకారం చేస్తారని సోషల్ మీడియాలో ప్రచారం సాగుతోంది. 

ఏపీ సీఎంవో పేరుతో వచ్చిన ఆ ట్వీట్‌తో అంతా సమయం మారిందని అనుకున్నారు. ఈ నేపథ్యంలో అలాంటిదేం లేదని పార్టీ వర్గాలు చెబుతున్నాయి. సీఎంవోచేసిన ట్వీట్‌లో తప్పిదం జరిగిందని వెల్లడించారు. చంద్రబాబు ప్రమాణ స్వీకారం ఈనెల 12వ తేదీన ఉదయం 11.27గంటలకే జరుగుతుందని స్పష్టం చేశారు. ఇదిలా ఉండగా అమరావతిలో భారీ వర్షాలు కురుస్తున్నాయి. దీంతో చంద్రబాబు ప్రమాణ స్వీకారం చేసే వేదికను గన్నవరానికి మార్చినట్లు ఏపీ సీఎంవో పేర్కొంది. 

ఏపీలో పోలింగ్ రోజు నుంచి జరుగుతున్న హింసపై సిట్ విచారణ జరుపుతోంది. విచారణ పూర్తి అయిన తర్వాత సిట్ బృందం నివేదిక ఇవ్వనుంది. దీనిపై సర్వత్రా ఉత్కంఠ కొనసాగుతోంది. ఇవాళ టీడీపీ నేతలు డీజీపీ కార్యాలయంలో సిట్ అధికారులను కలిశారు. అల్లర్లు, హింసకు సంబంధించిన వివరాలను ఓ పెన్‌డ్రైవ్‌లో ఉంచి సిట్ అధికారులకు అందించారు. ఎలాంటి ఒత్తిళ్లకు తలొగ్గకుండా దర్యాప్తు జరపాలని టీడీపీ నేతలు సిట్ అధికారులను కోరారు. దీంతో.. ఈ పెన్‌డ్రైవ్‌లో ఏముందనే ప్రశ్నలు తలెత్తుతున్నాయి.

అటు.. రాష్ట్రంలో అల్లర్లు జరిగిన ప్రాంతాల్లో సిట్ అధికారులు పర్యటించారు. గొడవలు జరిగిన ప్రదేశాలను పరిశీలించారు. అంతేకాదు.. ఈ అల్లర్లపై స్థానిక పోలీస్ స్టేషన్లలో నమోదైన కేసులను పరిశీలించారు. నరసరావుపేటలో రెండో పట్టణ పోలీసుస్టేషన్‌లో సిట్ బృందం విచారణ చేపట్టింది. సీఐ భాస్కర్, రూరల్ సీఐ మల్లికార్జునరావు, ఎస్బీ సీఐ ప్రభాకరరావును వివరాలు అడిగి తెలుసుకున్నారు. టీడీపీ, వైసీపీ వర్గీయులు ఇచ్చిన ఫిర్యాదులపై సిట్ బృందం ఆరా తీసింది.  

ఎన్నికల రోజు మొత్తం నరసరావుపేట నియోజకవర్గంలో ఆరు ఘటనలు జరిగినట్లు పోలీసులు గుర్తించారు. ఎంపీ కృష్ణదేవరాయులు వాహనంపై దాడి, టీడీపీ అరవింద్ బాబు వాహనంపై దాడిని కీలకంగా పరిగణించారు. తర్వాత పమిడిపాడులో టీడీపీ, వైసిపీ వర్గాల మధ్య ఘర్షణతో పాటు.. నరసరావుపేటలో గోపిరెడ్డి నివాసంపై జరిగిన దాడిపై అందిన ఫిర్యాదులను కూడా పోలీసులు సిట్ బృందానికి అందించారు. దొండపాడులో ఇరువర్గాల మధ్య ఘర్షణ, అరవింద్ బాబు హాస్పిటల్‌పై వైసీపీ నేతలు దాడికి ప్రయత్నించిన వివరాలను కూడా సిట్ సేకరించింది.

ఆంధ్రప్రదేశ్ లో ఎన్నికలు జరిగిన నాటి నుంచి ఇప్పటికే పలు ప్రాంతాలలో పెద్ద ఎత్తున అల్లర్లు గొడవలు జరుగుతూనే ఉన్నాయి. అనంతపురం జిల్లా తాడిపత్రిలో కూడా పెద్ద ఎత్తున గొడవలు చోటు చేసుకున్న సంగతి తెలిసిందే. జేసీ వర్గీయులు ఒకవైపు ఎమ్మెల్యే పెద్దారెడ్డి వర్గీయులు ఒకవైపు పెద్ద ఎత్తున రాళ్లతో దాడి చేసుకోవడమే కాకుండా పెద్దారెడ్డి ఇంటిపై కూడా దాడులు చేయటంతో ఆయన తాడిపత్రి ఖాళీ చేశారు. 

ఇక ఈ గొడవలు చోటు చేసుకున్నటువంటి తరుణంలో అనంతపురం ఎస్పీగా బాధ్యతలు తీసుకున్నటువంటి అమిత్ బర్దర్ పై సస్పెన్షన్ వేటు పడింది. అయితే ఈయనని సస్పెండ్ చేయడానికి కారణం లేకపోలేదని తెలుస్తుంది. తాజాగా తాడిపత్రిలో గొడవలకు సంబంధించిన ఒక వీడియో సోషల్ మీడియాలో వైరల్ గా మారింది. ఇందులో భాగంగా ఓ వర్గం వారు పెద్ద ఎత్తున రాళ్లతో దాడికి దిగారు. 

ఇక ఈ దాడిలో భాగంగా పోలీసులపై కూడా రాళ్లు పడటంతో ఎస్పీగా ఈ గొడవలను కంట్రోల్ చేయాల్సింది పోయి ఈ గొడవల నుంచి దూరంగా పారిపోవడంతో సర్వత్ర విమర్శలు తలెత్తాయి. ఇలా ఎస్పీ అక్కడి నుంచి పారిపోవడంతోనే ఆయనపై పై అధికారులు సస్పెన్షన్ వే టు వేసారని తెలుస్తోంది. ఇక ఎన్నికలు జరిగి కూడా దాదాపు నాలుగు రోజులు అవుతున్న ఇప్పటికీ తాడిపత్రిలో గొడవలు మాత్రం సద్దుమనగడం లేదు. దీంతో తాడిపత్రి పట్టణం మొత్తం 144 సెక్షన్ అమలు చేస్తున్నారు.

నాగబాబు ఇటీవల ట్విట్టర్ వేదికగా చేసినటువంటి ట్వీట్ ఎలాంటి వివాదాలను సృష్టించిందో మనకు తెలిసిందే. ఈయన సోషల్ మీడియా వేదికగా మా వాడు అయిన ప్రత్యర్థులకు పని చేసేవాడు మాకు పరాయి వాడే. ప్రత్యర్థులకు పని చేస్తూ మాతో ఉంటే మా వాడే అంటూ ఒక ట్వీట్ చేశారు. అయితే ఈయన ఆ ట్వీట్ ఎవరిని ఉద్దేశించి చేశారు అన్నది మాత్రం తెలియచేయలేదు. 

ఈ క్రమంలోనే కచ్చితంగా నాగబాబు ఈ ట్వీట్ అల్లుఅర్జున్ ని ఉద్దేశించి చేశారని పెద్ద ఎత్తున అభిమానులు కామెంట్లు చేస్తున్నారు. అల్లు అర్జున్ పవన్ కళ్యాణ్ కు మద్దతు తెలియజేయకుండా నంద్యాల వెళ్లి తన స్నేహితుడు వైసీపీ అభ్యర్థి శిల్పా రవిచంద్ర కిషోర్ రెడ్డికి మద్దతు తెలిపారు. ఈ క్రమంలోనే ఈ పోస్ట్ చేసినట్టు తెలుస్తుంది. 

ఈ విషయంపై శిల్పా రవి స్పందించారు ఒకవేళ నాగబాబు గారు ఈ ట్వీట్ బన్నీని ఉద్దేశించి చేశారు అంటే అది ఆయన సంస్కారానికి విజ్ఞతకే వదిలేస్తున్నామని తెలిపారు. ఓటింగ్ రోజు కూడా బన్నీ చాలా క్లియర్ గా చెప్పాడు. నేను నా స్నేహితుడి కోసమే వెళ్లాను నాకు పార్టీలతో సంబంధం లేదు పవన్ కళ్యాణ్ కి కూడా నేను మద్దతు తెలిపానని వెల్లడించారు అయినప్పటికీ ఈయన బన్నీని అనే ఉంటే అది ఆయన సంస్కారానికి వదిలేస్తున్నానని తెలిపారు.

వైయస్సార్సీపి ఎమ్మెల్సీ జంగా కృష్ణమూర్తి పై అనర్హత వేటుపడింది. శాసనమండలి చైర్మన్ నిజంగా కృష్ణమూర్తిని సస్పెన్షన్ చేస్తూ ఉత్తర్వులు జారీ చేశారు అయితే ఈయనని ఇలా సస్పెండ్ చేయడానికి కారణం లేకపోలేదు ఈయన వైఎస్ఆర్సీపీ పార్టీ నుంచి ఎమ్మెల్సీగా గెలుపొంది అనంతరం టీడీపీలోకి వెళ్లిపోయారు. 

ఇలా ఒక పార్టీ గుర్తుపై గెలిచినటువంటి ఈయన మరో పార్టీలోకి వెళ్లడంతో ఈయనపై శాసనమండలి చైర్మన్ కు ఫిర్యాదులు వెళ్లాయి. జంగా కృష్ణమూర్తి పై వైసీపీ విప్ లేళ్ళ అప్పి రెడ్డి ఫిర్యాదు చేశారు. ఈ విషయం పై విచారణ జరిపినటువంటి శాసనమండలి చైర్మన్ మోషేను రాజు ఇలా ఒక పార్టీ నుంచి మరొక పార్టీలోకి ఫీటాయింపులు నిరోధ చట్టం కింద ఈయనని సస్పెన్షన్ చేశారు. 

ఇలా ఈయనని సస్పెన్స్ చేయడమే కాకుండా అర్థరాత్రి గెజిట్ నోటిఫికేషన్ కూడా విడుదల చేశారు. అయితే ఇప్పటికే వైఎస్ఆర్సిపి పార్టీలో ఎమ్మెల్సీలు మాత్రమే కాకుండా ఎమ్మెల్యేలు కూడా పార్టీకి వ్యతిరేకంగా మారడంతో పలువురు నేతలపై ఇలాంటి చర్యలు తీసుకున్న సంగతి మనకు తెలిసిందే.