విశ్వంభర కూకట్ పల్లి జూలై 8 : ఆంధ్రప్రదేశ్ రాష్ట్ర ముఖ్యమంత్రిగా నారా చంద్రబాబు నాయుడు ప్రమాణ స్వీకారం చేసిన సందర్భంగా  సోమవారం హైదరాబాద్ లోని తన నివాసంలో ఎమ్మెల్యే అరికెపూడి గాంధీ, ఎమ్మెల్యే ప్రకాష్ గౌడ్ మర్యాదపూర్వకంగా కలిసి శుభాకాంక్షలు తెలిపారు. ఈ సందర్భంగా ఎమ్మెల్యే గాంధీ మాట్లాడుతూ తిరుమల దైవదర్శనానికి వచ్చే భక్తులకు తెలంగాణ రాష్ట్ర ప్రజాప్రతినిధులు తీసుకువచ్చే సిఫార్స్ లేఖలను పరిగణలోకి తీసుకొని, ఆమోదించేలా చర్యలు తీసుకోవాలని కోరారు. దీనికి సానుకూలంగా స్పందిస్తూ చంద్రబాబు నాయుడు లెటర్లను స్వీకరించేలా చర్యలు తీసుకుంటామని తెలిపారు.

కాసేపట్లో టీడీపీ అధినేత చంద్రబాబు నాయుడుని జనసేన పార్టీ అధినేత పవన్ కళ్యాణ్ భేటీ కానున్నారు. ఏపీ సార్వత్రిక ఎన్నిలక ఫలితాల్లో ఎన్డీఏ కూటమి విజయం దిశగా దూసుకువెళుతోంది. దీంతో ఫలితాలు కూటమికి అనుకూలంగా వస్తుండడంతో చంద్రబాబుతో భేటీ కానున్నారు. ఇప్పటికే ఎన్డీఏ కూటమి 160 స్థానాల్లో ఆధిక్యంలో ఉంది. మరోవైపు చంద్రబాబు ఇంటి వద్దకు పోలీస్ ఉన్నతాధికారులు చేరుకున్నారు. ఆయనకు భారీ భద్రత కల్పించేలా పోలీస్ అధికారులు ప్రోటోకాల్ నిబంధనలు పర్యవేక్షిస్తున్నారు. ఆంధ్రప్రదేశ్‌లో అసెంబ్లీతో పాటు లోక్‌సభ స్థానాల్లో కూడా ఎన్డీఏ కూటమి పూర్తి ఆధిపత్యంలో ఉంది.