విశ్వంభర, వెబ్ డెస్క్ : ప్రేమలు సినిమాలోని నటుడు మాథ్యూ థామస్ ఇంట తీవ్ర విషాదం చోటు చేసుకుంది. ఆయన తల్లిదండ్రులు ప్రయాణిస్తున్న కారు ప్రమాదానికి గురై దగ్గరి బంధువు మృత్యువాతపడగా...ఆయన తల్లిదండ్రులకు తీవ్ర గాయాలయ్యాయి. తమ బంధువు దినకర్మకు హాజరై వస్తుండగా అర్ధరాత్రి ఒంటి గంట ప్రాంతంలో ఈ ఘటన చోటుచేసుకుంది.

ఈ ఘటనలో మాథ్యూ సోదరుడు జాన్ జీపు డ్రైవ్ చేస్తుండగా...శాస్తమునగల్ సమీపంలో నిర్మాణంలో ఉన్న గుంతలో పడింది. గాయాలైన తల్లిదండ్రులను ఎర్నాకులం ఆసుపత్రికి తరలించారు. కానీ వారి పరిస్థితి విషమంగా ఉన్నట్లు సమాచారం. కాగా మాథ్యూ...ప్రేమలు సినిమాలో సపోర్టింగ్ ఆర్టిస్ట్ గా కనింపించగా... సెకండ్ పార్ట్ లోఫుల్ లెన్త్ క్యారెక్టర్ లో నటించబోతున్నాడు.