YS Jagan: జరగని జూడో పోటీలకు సంబంధించిన సర్టిఫికెట్ల ఆధారంగా 39 మందికి ఎలాంటి పరీక్ష లేకుండానే టీచర్ ఉద్యోగాలు కల్పించారని మాజీ ముఖ్యమంత్రి వైఎస్ జగన్ ఆరోపించారు. ఖమ్మంలో జూడో పోటీలు జరగలేదని తెలంగాణ జూడో అసోసియేషన్ రాతపూర్వకంగా లేఖ ఇచ్చిందని ఆయన పేర్కొన్నారు.

‘జూడో ఆట’ పేరుతో 39 మందికి ఎలాంటి పరీక్ష లేకుండా టీచర్ పోస్టులు ఇచ్చారని వైఎస్ జగన్ అన్నారు. ఉద్యోగాల కోసం ఉపయోగించిన జూడో సర్టిఫికెట్ల వ్యవహారంపై సమగ్రంగా విచారణ జరపాల్సిన అవసరం ఉందని ఆయన వ్యాఖ్యానించారు.

ఈ సందర్భంగా జూడో అసోసియేషన్ అధ్యక్షుడు ఎవరనే అంశాన్ని కూడా జగన్ ప్రస్తావించారు. అసోసియేషన్ అధ్యక్షుడిగా విశాఖపట్నం ఎంపీ, నారా లోకేశ్ తోడల్లుడు భరత్ ఉన్నారని ఆయన పేర్కొన్నారు. ఈ అంశాలన్నింటినీ పరిశీలిస్తే సర్టిఫికెట్ల వ్యవహారంపై అనేక ప్రశ్నలు తలెత్తుతున్నాయని అన్నారు.

జూడో పోటీలు జరగకపోయినా సర్టిఫికెట్లు ఎలా వచ్చాయి, వాటిని ఎవరు జారీ చేశారు, వాటికి ధృవీకరణ ఎలా జరిగిందనే విషయాలపై స్పష్టత రావాల్సి ఉందని వైఎస్ జగన్ అన్నారు. దొంగ సర్టిఫికెట్లు పుట్టించి, వాటికి వారే ధృవీకరణ చేశారనే విషయం స్పష్టంగా తెలుస్తోందని ఆయన తీవ్ర ఆరోపణలు చేశారు. ఈ వ్యవహారంపై ప్రభుత్వం సమగ్ర విచారణ జరిపి వాస్తవాలను ప్రజల ముందుంచాలని డిమాండ్ చేశారు.

YS Jagan: వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్ పర్చూరు నియోజకవర్గ నేతలతో భేటీ అయ్యారు. పార్టీకి చెందిన ముఖ్య నాయకులు, కార్యకర్తలతో సమావేశమై నియోజకవర్గంలో పార్టీ పరిస్థితులు, రాజకీయ పరిణామాలపై చర్చించారు.

ఈ సమావేశానికి పర్చూరు నియోజకవర్గ ఇంఛార్జి గాదె మధుసూదనరెడ్డి, జిల్లా అధ్యక్షుడు మేరిగ నాగార్జున హాజరయ్యారు. వీరితో పాటు స్థానిక సంస్థలకు చెందిన మాజీ ప్రజాప్రతినిధులు, పార్టీ నాయకులు, కార్యకర్తలు కూడా సమావేశంలో పాల్గొన్నారు.

ఈ సందర్భంగా నియోజకవర్గంలో పార్టీ బలోపేతం, క్షేత్రస్థాయిలో కార్యకర్తల పరిస్థితి, స్థానికంగా ఎదురవుతున్న సమస్యలు వంటి అంశాలపై చర్చ జరిగినట్లు తెలుస్తోంది. పార్టీ శ్రేణులు ఐక్యంగా పనిచేస్తూ ప్రజల్లో మరింతగా ఉండాలని నాయకత్వం సూచించినట్లు సమాచారం.

పర్చూరు నియోజకవర్గానికి చెందిన ముఖ్య నేతలతో వైఎస్ జగన్ భేటీ కావడంతో పార్టీ శ్రేణుల్లో ఆసక్తి నెలకొంది. రానున్న రోజుల్లో నియోజకవర్గంలో పార్టీ కార్యక్రమాలను మరింత విస్తృతం చేయడం, కార్యకర్తలకు అందుబాటులో ఉండేలా కార్యాచరణ రూపొందించడంపై ఈ సమావేశంలో చర్చించినట్లు తెలుస్తోంది.

YS Jagan Kurnool Tour: వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి రేపు కర్నూలులో పర్యటించనున్నారు. మాజీ ఎమ్మెల్యే ఎస్వీ మోహన్‌రెడ్డి కుమారుడి వివాహ రిసెప్షన్‌కు హాజరయ్యేందుకు జగన్ కర్నూలుకు రానున్నారు. నగరంలోని సెయింట్ జోసెఫ్ కాలేజ్ గ్రౌండ్స్‌లో ఈ వివాహ రిసెప్షన్ కార్యక్రమం జరగనుంది. ఈ సందర్భంగా నూతన వధూవరులను కలిసి జగన్ శుభాకాంక్షలు, ఆశీర్వాదాలు అందించనున్నారు.

ఎస్వీ మోహన్‌రెడ్డి కుటుంబంతో జగన్‌కు ఉన్న సాన్నిహిత్యం నేపథ్యంలో ఆయన వివాహ రిసెప్షన్‌కు హాజరుకానున్నట్లు తెలుస్తోంది. కుటుంబసభ్యులు, బంధువులు, సన్నిహితులు, రాజకీయ ప్రముఖుల సమక్షంలో రిసెప్షన్ కార్యక్రమాన్ని నిర్వహించేందుకు ఏర్పాట్లు చేస్తున్నారు. జగన్ పర్యటన నేపథ్యంలో ఆయనకు స్వాగతం పలికేందుకు వైసీపీ నాయకులు, కార్యకర్తలు కూడా సిద్ధమవుతున్నట్లు సమాచారం.

జగన్ కర్నూలు పర్యటన ప్రధానంగా వివాహ రిసెప్షన్ కార్యక్రమానికే పరిమితం కానుంది. రిసెప్షన్‌కు హాజరై నూతన దంపతులను ఆశీర్వదించిన అనంతరం జగన్ తిరుగు ప్రయాణం కానున్నారు. మాజీ సీఎం పర్యటన నేపథ్యంలో సెయింట్ జోసెఫ్ కాలేజ్ గ్రౌండ్స్ వద్ద కార్యక్రమ నిర్వాహకులు ఏర్పాట్లు చేస్తున్నారు. జగన్ పర్యటనపై కర్నూలు జిల్లా వైసీపీ శ్రేణుల్లో ఆసక్తి నెలకొంది.

YS Jagan: దివంగత ఉమ్మడి ఆంధ్రప్రదేశ్ ముఖ్యమంత్రి వైఎస్ రాజశేఖరరెడ్డి వర్ధంతి సందర్భంగా కడప జిల్లా ఇడుపులపాయలోని వైఎస్సార్ ఘాట్ వద్ద ప్రత్యేక కార్యక్రమాలు నిర్వహించారు. వైఎస్సార్ కుమారుడు, వైసీపీ అధినేత వైఎస్ జగన్‌మోహన్‌రెడ్డి ఘాట్ వద్ద తండ్రికి నివాళులర్పించారు. కుటుంబసభ్యులతో కలిసి ఘాట్ వద్ద పుష్పాంజలి ఘటించి వైఎస్సార్‌ను స్మరించుకున్నారు.

జగన్‌తో పాటు ఆయన భార్య వైఎస్ భారతి, వైఎస్సార్ సతీమణి వైఎస్ విజయమ్మ ఇడుపులపాయకు చేరుకుని ఘాట్ వద్ద ప్రత్యేక ప్రార్థనలు నిర్వహించారు. వైఎస్సార్ ఆత్మకు శాంతి చేకూరాలని ప్రార్థిస్తూ కుటుంబసభ్యులు నివాళులర్పించారు. ప్రతి ఏడాది వైఎస్సార్ వర్ధంతి సందర్భంగా ఇడుపులపాయలోని వైఎస్ ఘాట్ వద్ద కుటుంబసభ్యులు, అభిమానులు, వైసీపీ శ్రేణులు పెద్దఎత్తున కార్యక్రమాలు నిర్వహిస్తున్న విషయం తెలిసిందే.

ఈ సందర్భంగా వైసీపీ నేతలు, కార్యకర్తలు పెద్దసంఖ్యలో ఇడుపులపాయకు చేరుకుని వైఎస్సార్‌కు నివాళులర్పించారు. ఘాట్ వద్ద పుష్పాంజలి ఘటించి ఆయనను స్మరించుకున్నారు. వైఎస్సార్‌తో తమకున్న అనుబంధాన్ని గుర్తు చేసుకుంటూ పలువురు నేతలు ఆయన సేవలను కొనియాడారు. దీంతో ఇడుపులపాయలో వైఎస్సార్ వర్ధంతి కార్యక్రమాలు భక్తిశ్రద్ధలతో కొనసాగాయి.

YS Jagan Mohan Reddy: రాష్ట్రంలో తీవ్రమైన కరువు పరిస్థితులు నెలకొన్నాయని మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి అన్నారు. కరువు తీవ్రత ఎక్కువగా ఉందని చెప్పడానికి కూడా ముఖ్యమంత్రి చంద్రబాబు నాయుడు ఇష్టపడటం లేదని విమర్శించారు. రాష్ట్రంలోని రైతులు ఇబ్బందులు పడుతున్నా వారిని ఆదుకోవాలన్న శ్రద్ధ ప్రభుత్వానికి కనిపించడం లేదని జగన్‌ అన్నారు.

కరువు పరిస్థితులపై ప్రభుత్వం వెంటనే దృష్టి సారించాలని, రైతులకు అవసరమైన సహాయం అందించాలని జగన్‌ డిమాండ్‌ చేశారు. వర్షాభావ పరిస్థితులతో రైతులు నష్టపోయే అవకాశం ఉన్న నేపథ్యంలో క్షేత్రస్థాయిలో పరిస్థితులను పరిశీలించి తగిన చర్యలు తీసుకోవాల్సిన బాధ్యత ప్రభుత్వంపై ఉందన్నారు. రైతులకు అండగా నిలిచి, కరువు ప్రభావాన్ని తగ్గించేందుకు తక్షణ చర్యలు చేపట్టాలని కోరారు.

YS Jagan Mohan Reddy: వైఎస్సార్‌సీపీ అధినేత వైఎస్ జగన్ మోహన్ రెడ్డి నేడు రాజమండ్రి రూరల్ నియోజకవర్గ నేతలతో సమావేశం కానున్నారు. ఈ భేటీకి స్థానిక సంస్థల మాజీ ప్రజాప్రతినిధులు, పార్టీ నాయకులు, కార్యకర్తలు హాజరుకానున్నారు. నియోజకవర్గంలో పార్టీ పరిస్థితి, ప్రజల్లో ఉన్న సమస్యలు, స్థానికంగా ఎదురవుతున్న ఇబ్బందులపై జగన్ నేతల నుంచి వివరాలు తెలుసుకోనున్నారు.

సమావేశంలో ప్రజా సమస్యలతో పాటు పార్టీకి సంబంధించిన సంస్థాగత అంశాలపై కూడా చర్చ జరగనుంది. గ్రామస్థాయి నుంచి పార్టీని మరింత బలోపేతం చేయడం, నాయకులు, కార్యకర్తల మధ్య సమన్వయం పెంచడం వంటి అంశాలపై జగన్ దిశానిర్దేశం చేయనున్నట్లు తెలుస్తోంది. స్థానిక సంస్థల మాజీ ప్రజాప్రతినిధులు తమ ప్రాంతాల్లోని పరిస్థితులను జగన్ దృష్టికి తీసుకెళ్లే అవకాశం ఉంది.

రాజమండ్రి రూరల్‌లో పార్టీ భవిష్యత్ కార్యాచరణపై కూడా సమావేశంలో చర్చించనున్నట్లు సమాచారం. ప్రజా సమస్యలపై పార్టీ తరఫున చేపట్టాల్సిన కార్యక్రమాలు, క్షేత్రస్థాయిలో పార్టీని బలోపేతం చేసే విధానం, నాయకులు, కార్యకర్తలు అనుసరించాల్సిన వ్యూహాలపై జగన్ సూచనలు చేయనున్నారు. ఈ సమావేశం నేపథ్యంలో రాజమండ్రి రూరల్ వైఎస్సార్‌సీపీలో రాజకీయంగా ఆసక్తి నెలకొంది.

YS Jagan: కూటమి ప్రభుత్వం తీరును ప్రశ్నిస్తూ వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ట్వీట్‌ చేశారు. విద్యార్థులు, యువకులు, నిరుద్యోగులు, ప్రజల డిమాండ్లు చాలా స్పష్టంగా ఉన్నాయని పేర్కొన్న ఆయన.. ప్రభుత్వం వారి సమస్యలపై తక్షణం స్పందించాలని డిమాండ్‌ చేశారు. ముఖ్యంగా డీఎస్సీ నియామకాలకు సంబంధించి లీకేజీ, అక్రమాలు జరిగాయనే ఆరోపణలపై సీబీఐతో సమగ్ర విచారణ జరిపించాలని కోరారు. ఈ వ్యవహారానికి బాధ్యత వహిస్తూ మంత్రి నారా లోకేష్‌ రాజీనామా చేయాలని జగన్‌ డిమాండ్‌ చేశారు.

విద్యార్థులకు సంబంధించిన ఫీజు రీయింబర్స్‌మెంట్‌, వసతి దీవెన పథకాల చెల్లింపులపైనా జగన్‌ ప్రభుత్వాన్ని ప్రశ్నించారు. పెండింగ్‌లో ఉన్న బకాయిలను వెంటనే చెల్లించాలని కోరారు. విద్యార్థుల విద్యాభ్యాసానికి సంబంధించిన పథకాలలో జాప్యం జరగడం వల్ల వారి కుటుంబాలపై ఆర్థిక భారం పడుతోందని పేర్కొన్నారు. ప్రభుత్వం ఇచ్చిన హామీలను నెరవేర్చాల్సిన బాధ్యత ఉందని జగన్‌ అన్నారు.

అదేవిధంగా నిరుద్యోగ యువతకు నెలకు రూ.3 వేల చొప్పున నిరుద్యోగ భృతి చెల్లించాలని డిమాండ్‌ చేశారు. గతంలో చెల్లించాల్సిన బకాయిలను కూడా కలుపుకుని ప్రస్తుత మూడేళ్ల కాలానికి సంబంధించిన మొత్తాన్ని చెల్లించాలని కోరారు. ఉద్యోగ అవకాశాల కోసం ఎదురుచూస్తున్న యువత సమస్యలను ప్రభుత్వం పట్టించుకోవాలని పేర్కొన్నారు.

విద్యార్థులు, యువత, నిరుద్యోగులు లేవనెత్తుతున్న ప్రశ్నలకు ప్రభుత్వం తప్పనిసరిగా సమాధానం చెప్పాలని జగన్‌ అన్నారు. ముఖ్యంగా ప్రస్తుత Gen-Z తరానికి సంబంధించిన ప్రశ్నలు, డిమాండ్లను విస్మరించకుండా ప్రభుత్వం స్పష్టమైన సమాధానాలు ఇవ్వాలని పేర్కొన్నారు. డీఎస్సీ అంశంపై విచారణ, విద్యార్థుల ఫీజు బకాయిల చెల్లింపు, వసతి దీవెన, నిరుద్యోగ భృతి వంటి అంశాలపై ప్రభుత్వం తక్షణమే నిర్ణయాలు తీసుకోవాలని జగన్‌ తన ట్వీట్‌లో డిమాండ్‌ చేశారు.

https://x.com/ysjagan/status/2086854649068548350?s=20

YSRCP: డీఎస్సీ నియామకాల్లో అక్రమాలు, అవకతవకలు జరిగాయంటూ వైఎస్సార్ కాంగ్రెస్ పార్టీ నేడు రాష్ట్రవ్యాప్తంగా నిరసన ర్యాలీలకు పిలుపునిచ్చింది. రాష్ట్రంలోని అన్ని అసెంబ్లీ నియోజకవర్గాల్లో నిరసన కార్యక్రమాలు నిర్వహించాలని పార్టీ నిర్ణయించింది. డీఎస్సీ నియామకాల్లో చోటుచేసుకున్న అక్రమాలపై సీబీఐతో సమగ్ర విచారణ జరిపించాలని, బాధ్యత వహిస్తూ విద్యాశాఖ మంత్రి నారా లోకేష్ రాజీనామా చేయాలని వైసీపీ డిమాండ్ చేస్తోంది. నిరుద్యోగ యువతకు న్యాయం చేయాలనే ప్రధాన డిమాండ్‌తో ఈ నిరసన ర్యాలీలను చేపడుతున్నట్లు పార్టీ నాయకులు చెబుతున్నారు.

డీఎస్సీ అంశంపై వైసీపీ ఇప్పటికే పలు రూపాల్లో నిరసనలు, ఆందోళనలు నిర్వహించింది. అయినప్పటికీ ప్రభుత్వం నుంచి తగిన స్పందన రాలేదని ఆ పార్టీ నేతలు ఆరోపిస్తున్నారు. దీంతో తమ డిమాండ్లను మరింత బలంగా ప్రభుత్వం దృష్టికి తీసుకెళ్లేందుకు రాష్ట్రవ్యాప్తంగా ర్యాలీలకు పిలుపునిచ్చినట్లు తెలిపారు. అన్ని నియోజకవర్గాల్లో పార్టీ నాయకులు, కార్యకర్తలు, నిరుద్యోగులు, విద్యార్థులు పెద్ద సంఖ్యలో పాల్గొనేలా ఏర్పాట్లు చేశారు.

మరోవైపు నిరసన ర్యాలీల నేపథ్యంలో పోలీసులు ముందస్తు చర్యలు చేపట్టారు. ర్యాలీల్లో పాల్గొనడానికి వీల్లేదని చెబుతూ నిన్న రాత్రి నుంచే పలువురు వైసీపీ నాయకులకు పోలీసులు నోటీసులు జారీ చేసినట్లు సమాచారం. అనుమతి లేకుండా ర్యాలీలు నిర్వహిస్తే చట్టపరమైన చర్యలు తీసుకుంటామని పోలీసులు హెచ్చరించినట్లు తెలుస్తోంది. దీంతో పలు ప్రాంతాల్లో వైసీపీ నాయకులు, పోలీసుల మధ్య ఉద్రిక్త పరిస్థితులు ఏర్పడే అవకాశం కనిపిస్తోంది.

డీఎస్సీ నియామకాల విషయంలో ప్రభుత్వం స్పష్టమైన సమాధానం ఇవ్వాలని వైసీపీ నాయకులు కోరుతున్నారు. నియామక ప్రక్రియలో ఏవైనా అక్రమాలు జరిగి ఉంటే వాటిపై సమగ్ర విచారణ జరిపి బాధ్యులపై చర్యలు తీసుకోవాలని డిమాండ్ చేస్తున్నారు. నిరుద్యోగ యువత భవిష్యత్తును దృష్టిలో పెట్టుకుని ప్రభుత్వం వెంటనే స్పందించాలని కోరుతున్నారు. తమ డిమాండ్లపై ప్రభుత్వం సానుకూలంగా స్పందించే వరకు పోరాటాన్ని ఆపేది లేదని వైసీపీ నాయకులు స్పష్టం చేస్తున్నారు. దీంతో నేటి రాష్ట్రవ్యాప్త నిరసన ర్యాలీలపై రాజకీయ వర్గాల్లో ఆసక్తి నెలకొంది.

*విశ్వంభర ఆమనగల్లు జూలై 8: ఉమ్మడి ఆంధ్రప్రదేశ్ మాజీ ముఖ్యమంత్రి డాక్టర్ వైఎస్ రాజశేఖర్ రెడ్డి 75 వ జయంతి వేడుకలు ఆమనగల్లు కడ్తాల్ మండల కేంద్రాల్లో ఘనంగా నిర్వహించారు. కాంగ్రెస్ అధ్యర్యంలో ఆమనగల్  కూడలి (చౌరస్తా )  ఉన్న వైఎస్ఆర్ విగ్రహానికి  పూలమాల వేసి నివాళులు అర్పించారు. ఈ సందర్బంగా పిసిసి కార్యవర్గ సభ్యులు శ్రీనివాస్ గౌడ్ మాట్లాడుతూ  అపరభగీరతుడు వైఎస్ రాజశేఖర్ రెడ్డి ప్రవేశపెట్టిన సంక్షేమ పథకాలు నేటికీ ప్రజలు గుండెల్లో శాశ్వతం గా నిలిచిపోయాయని అన్నారు. పేద ప్రజల కోసం వారి జీవితాల్లో వెలుగులు నింపడానికి నిరంతరం పరితపించేవారని గుర్తు చేశారు. బడుగు బలహీన వర్గాల అభివృద్ధి కోసం పరితపించి పేద ప్రజలకు సుపరిపాలన అందించిన మహానేత వైఎస్ఆర్ అని కొని యాడారు.
ప్రతి పేదవాడి గుండెల్లో రాజశేఖర్ రెడ్డి ఉన్నారని రాష్టం లో మైనారిటీ లకు 4% రిజర్వేషన్ తెచ్చింది రాజశేఖర్ రెడ్డి అని అపదలో ఫోన్ చేస్తే 108,104 కుయ్ కుయ్ అంటు ప్రతి గ్రామం లో పేదల చెంతన ప్రత్యేక్షం అవుతున్నయంటే వైయస్సార్ చలువే అన్నారు ఈ కార్యక్రమం లో మాజీ ఎంపీపీ అనిత విజయ్, బ్లాక్ కాంగ్రెస్ అధ్యక్షుడు యాట నరసింహ గూడూరు శ్రీనివాస్ రెడ్డి మండల అధ్యక్షులు జగన్, బిచ్య నాయక్, మాజీ సింగిల్ విండో అధ్యక్షుడు ధనంజయ, పులి కంటి మైసయ్య, కాలే మల్లయ్య, వస్పుల మానయ్య, జంతుక యాదయ్య, కృష్ణ నాయక్, ఖాదర్, ఎండి అలీమ్, సురేష్, మహేష్, నాజర్ మల్లేష్ తదితరులు కాంగ్రెస్ నాయకులు పాల్గొన్నారు.

ఆంధ్రప్రదేశ్‌లో అధికారంలోకి వచ్చిన చంద్రబాబు ప్రభుత్వం చాలా పెద్ద మార్పుకు సంకేతం ఇచ్చింది. మాజీ సీఎం వైఎస్ జగన్ మోహన్ రెడ్డి తన ప్రభుత్వ హయాంలో ప్రతిపక్ష నేతగా ఉన్న చంద్రబాబు నాయుడుని, ఆయన కుటుంబాన్ని చిత్రహింసలకు గురిచేసిన తీరును ఆంధ్రప్రదేశ్ ప్రజలు జీర్ణించుకోలేకపోయారు. అందుకే వాళ్లకు వచ్చిన అవకాశంతో.. వైఎస్సార్ కాంగ్రెస్ పార్టీని అటు లోక్ సభలోనూ.. ఇటు అసెంబ్లీలోనూ పూర్తిగా పక్కన పెట్టేశారు. 151 స్థానాలతో ఏకఛత్రాధిపత్యాన్ని చలాయించిన వైఎస్‌ఆర్‌ కాంగ్రెస్‌ పార్టీని.. ఏకంగా 11 సీట్లకు పరిమితం చేశారు. అదే సమయంలో.. చంద్రబాబు నాయుడు నేతృత్వంలోని తెలుగు దేశం పార్టీకి 135 సీట్లు ఇచ్చి, పూర్తి మెజారిటీతో ప్రభుత్వాన్ని ఏర్పాటు చేసేలా దీవించారు. మరోవైపు.. టీడీపీ మిత్రపక్షమైన జనసేనకు 21 సీట్లు, ​​భారతీయ జనతా పార్టీకి 8 సీట్లు ఇచ్చి ఏపీ ప్రజలు కూటమికి తమ మద్దతు తెలిపారు.  

ప్రజాస్వామ్యంలో ఏ పార్టీకైనా అధికారం కట్టబెట్టాలన్నా.. శిక్షించాలన్నా ప్రజలకు ఉన్న ఏకైక మార్గం ఇదేనని ప్రముఖ జర్నలిస్ట్ హర్షవర్ధన్ త్రిపాఠి అభిప్రాయపడ్డారు. అధికారం ఇచ్చినప్పుడు.. వైఎస్ జగన్ మోహన్ రెడ్డి తమ ఆకాంక్షలకు అనుగుణంగా పని చేయలేదని ఏపీ ప్రజలు భావించారు. కాగా.. చంద్రబాబు నాయుడుకు విజనరీ లీడర్ అనే పేరు ఉంది. దేశంలోనే తొలిసారిగా అభివృద్ధి రాజకీయాలు చేసిన నాయకుడు చంద్రబాబును ఉమ్మడి ఆంధ్రప్రదేశ్‌లో.. ప్రజలు ఓడించి ఉండొచ్చు, కానీ ఆయన చేసిన కృషి, అభివృద్ధి ఇప్పటికీ కళ్లముందు కనిపిస్తుంటుంది. కాగా.. ఇప్పుడు తన పాత ఇమేజ్‌ను మళ్లీ ఆవిష్కరించుకునే అవకాశాన్ని చంద్రబాబుకు ఏపీ ప్రజలు కల్పించారు.

అయితే.. పూర్తి మెజారిటీతో ప్రభుత్వం ఏర్పడిన వెంటనే.. చంద్రబాబు నాయుడు కొన్ని తప్పుడు నిర్ణయాలు తీసుకున్నారు. నిర్మాణంలో ఉన్న వైఎస్సార్ కాంగ్రెస్ పార్టీ కార్యాలయాలను కూల్చేయటమే కాకుండా.. ఏపీలో 4 టీవీ ఛానళ్లపై నిషేధం విధించినట్టుగా జాతీయ మీడియాలో వార్తలు వైరల్ అయ్యాయి. ఏదైనా ఛానెల్ తప్పుడు వార్తలను ప్రచురించినప్పుడు.. సదరు కథనాలపై వివరణ ఇవ్వాలని అడగొచ్చు.. వైఎస్సార్ కాంగ్రెస్ పార్టీ కార్యాలయాన్ని తప్పుడు మార్గంలో నిర్మిస్తుంటే దానిపై కూడా చర్యలు తీసుకునే అవకాశం ఉంది. కానీ.. అఖండ మెజార్టీతో ఏర్పడిన ప్రభుత్వం ఇలా ప్రతీకార ధోరణితో వ్యవహరించడమనేది సరైన పద్ధతి కాదు. 

ఆశ్చర్యకరమైన విషయమేమిటంటే.. ఏ రాజకీయ పార్టీ కూడా ఏ న్యూస్ ఛానెల్‌ను నిషేధించడం ద్వారా తమ ప్రభుత్వాన్ని ఎక్కువ రోజులు నడిపించినట్టు చరిత్రలో లేదు. ఈ విషయం అందరికీ తెలుసు. అయినా అధికారంలోకి వచ్చిన తర్వాత.. మీడియాపై నిషేధం విధించాలన్న ఆలోచనను చంద్రబాబు ఎందుకు నిలువరించుకులేకపోయారన్నది పెద్ద ప్రశ్న. చంద్రబాబు నాయుడు అధికారంలోకి వచ్చిన వెంటనే టీవీ9, ఎన్టీవీ, సాక్షి టీవీ, 10 టీవీ అనే నాలుగు తెలుగు న్యూస్ ఛానళ్లపై నిషేధం విధించారు. ఈ 4 న్యూస్ ఛానళ్లకు ఆంధ్రప్రదేశ్‌లో 60 లక్షల వరకు వీక్షకులు ఉన్నారని తెలుస్తోంది. 

అయితే.. సాక్షి టీవీని నడుపుతున్న ఇందిరా టెలివిజన్ లిమిటెడ్ కంపెనీకి వైఎస్ జగన్ మోహన్ రెడ్డి కుటుంబంతో సంబంధం ఉంది. వైఎస్ జగన్ మోహన్ రెడ్డి హయాంలో ఏబీఎన్, టీవీ5, ఈటీవీలను టార్గెట్ చేశారు. ఆంధ్రప్రదేశ్ నుంచి విడిపోయిన తెలంగాణలో కూడా కేసీఆర్ అధికారంలో ఉన్నప్పుడు ఏబీఎన్, టీవీ9 జర్నలిస్టులపై నిషేధం విధించిన విషయం తెలిసిందే. వీళ్లిద్దరికి ఎదురైన అనుభవాలు చూసైనా.. చంద్రబాబు కొంత అప్రమత్తంగా ఉండాల్సిన అవసరం ఉంది.

దక్షిణ భారత రాజకీయాల్లో ప్రభుత్వాలు మారినప్పుడల్లా.. మీడియాపై నిషేధం విధించటమనే వింత సంప్రదాయం కొనసాగుతూ వస్తోంది. తమిళనాడు, కేరళ, తెలంగాణ, ఆంధ్రప్రదేశ్‌లలో.. ఆయా పార్టీలు ప్రభుత్వంలో ఉన్నప్పుడు తమకు ప్రతికూలంగా వ్యవహరించే ఛానెళ్లను నిషేధిస్తూ వస్తున్నాయి. ఈ విషయంలో.. ఆయా పార్టీలు ప్రధానమంత్రి నరేంద్ర మోదీని చూసి నేర్చుకోవాల్సిన అవసరం ఎంతైనా ఉంది. "మా ఛానల్- వాళ్ల ఛానెల్" అంటూ టీవీ ఛానెళ్లను నిషేధించే ఆటను కేంద్ర ప్రభుత్వం ఆడలేదు.

ఇండియన్ ఎక్స్‌ప్రెస్‌లో ప్రచురితమైన వార్తల ప్రకారం.. చంద్రబాబు నాయుడు విజయం సాధించినప్పటికీ.. ఈ ఛానెల్‌లు ఆయనకు మద్దతుగా కథనాలు చూపించట్లేదు కాబట్టి.. ప్రజలు వాటి మెంబర్‌షిప్‌ను ముగించేస్తున్నారని కేబుల్ టీవీ ఆపరేటర్లు చెప్తుండటం గమనార్హం. మీడియాపై ఇలాంటి ఆంక్షలు పెట్టటం వల్ల.. ఏ ప్రభుత్వానికి మంచి జరగలేదన్నది గతం చూస్తే అర్థమవుతోంది. 

విజనరీ లీడర్‌గా పేరున్న చంద్రబాబు నాయుడు.. ఆంధ్రప్రదేశ్‌ ప్రజలు ఓ మార్పు కోసం తనకు ఈ అఖండ విజయాన్ని కట్టబెట్టారని గుర్తించాలి. ఇలా మీడియా స్వేచ్ఛను హరించటం వల్ల.. ఆయన ప్రయాణంలో అడ్డంకులు ఏర్పడే అవకాశం ఉంటుంది. ప్రస్తుతం పార్లమెంటులో జరుగుతున్న సమావేశాల్లో అప్పటి ఎమర్జెన్సీని నేతలు గుర్తు చేసుకోవటం గమనార్హం. చంద్రబాబు కూడా దాని నుంచి ఎంతో కొంత గుణపాఠం నేర్చుకుని.. మీడియాతో విభేదాలు పెట్టుకోకుండా ఆంధ్రప్రదేశ్ ప్రజల ప్రయోజనాల కోసం కృషి చేయాలని హర్షవర్ధన్ త్రిపాఠి సూచించారు.

ఆంధ్రప్రదేశ్ అసెంబ్లీ రేపటికి వాయిదా పడింది. మొత్తం 175 మంది ఎమ్మెల్యేలకు గాను, ఇవాళ 172 మంది ఎమ్మెల్యేలతో ప్రొటెం స్పీకర్ గోరంట్ల బుచ్చయ్య చౌదరి ప్రమాణస్వీకారం చేయించారు. ఎమ్మెల్యేలు జీవీ ఆంజనేయులు (వినుకొండ), పితాని సత్యనారాయణ (ఆచంట), వనమాడి వెంకటేశ్వరరావు (కాకినాడ ) అందుబాటులో లేకపోవడంతో ప్రమాణ స్వీకారం చేయలేకపోయారు. ఈ ముగ్గురు ఎమ్మెల్యేలు రేపు ప్రమాణం చేయనున్నారు. 

ఇదిలా ఉంటే రేపు (జూన్ 22) ఉదయం 10.30 గంటలకు అసెంబ్లీ తిరిగి ప్రారంభం కానుంది. ముగ్గురు ఎమ్మెల్యేల ప్రమాణస్వీకారం అనంతరం స్పీకర్ ఎన్నిక ప్రక్రియ ఉండనుంది. ఏపీ అసెంబ్లీలో రేపు ఉదయం 11 గంటలకు స్పీకర్‌గా అయ్యన్నపాత్రుడిని ఎన్నుకోనున్నారు. ఇప్పటికే అయ్యన్న తరఫున కూటమి నేతలు నామినేషన్ దాఖలు చేశారు.

మాజీ సీఎం జగన్ కు అసెంబ్లీ వద్ద అనుకోని చేదు అనుభవం ఎదురైంది. శుక్రవారం అసెంబ్లీ సమావేశాలు ప్రారంభం అయ్యాయి. దాంతో పులివెందుల ఎమ్మెల్యేగా ప్రమాణ స్వీకారం చేసేందుకు ఆయన అసెంబ్లీకి వెళ్లారు. అయితే అక్కడ జగన్ కాన్వాయ్ రాకముందే కొందరు ఆకతాయిలు అక్కడకు చేరుకున్నారు. 

జగన్ కారు రాగానే కారును వెంబడించారు. అందులో కొందరు జగన్ మావయ్యా.. జగన్ మావయ్యా అంటూ ఎగతాలి చేస్తూ కామెంట్లు చేశారు. ఇంకొందరేమో గుడ్డు పగిలింది అంటూ కామెంట్లు చేయడం అక్కడ సంచలనంగా మారింది. ఇందుకు సంబంధించిన వీడియోలు, ఫొటోలు సోషల్ మీడియాలో వైరల్ అవుతున్నాయి. 

అయితే జగన్ మాజీ సీఎం అని.. అలాంటి వ్యక్తికి కాస్త గౌరవం ఇవ్వాలంటూ కోరుతున్నారు వైసీపీ శ్రేణులు. ఇక జగన్ అసెంబ్లీ వెనక గేటు నుంచి వెళ్లి ఎమ్మెల్యేగా ప్రమాణ స్వీకారం చేశారు. కాగా ఇప్పుడే జగన్ ను ఇలా ఉంటే.. ఇక మున్ముందు జగన్ ను ఇంకెలా టార్గెట్ చేస్తారో అంటూ కొందరు కామెంట్లు పెడుతున్నారు.