లోక్ సభ ఎన్నికల్లో వారణాసి నుంచి పోటీలో ఉన్న ప్రధాని మోడీ ప్రస్తుతం వెనుకంజలో ఉన్నారు. కాంగ్రెస్ పార్టీ నుంచి పోటీ చేస్తున్న అజయ్ రాయ్ మొదటి రౌండ్‌లో 4,998 ఓట్ల ఆధిక్యంలో కొనసాగుతున్నారు. ప్రధాని మోడీ వెనుకంజలో ఉన్నట్లు తెలుస్తోంది. ఉత్తరప్రదేశ్‌లోని వారణాసి లోక్‌సభ స్థానం నుంచి ముచ్చటగా మూడో సారి ప్రధాని నరేంద్ర మోదీ పోటీ చేస్తున్నారు. 

అదేవిధంగా భారతీయ జనతా పార్టీకి ఇన్ని రోజులుగా కంచుకోటగా భావించిన ఉత్తర ప్రదేశ్‌లో బీజేపీ వెనుకబడింది. అక్కడ 80 ఎంపీ స్థానలుండగా 42చోట్ల ఇండియా కూటమి అభ్యర్థులు లీడ్‌లో కొనసాగుతున్నారు. ఇది ఎవరూ ఊహించని పరిణామమని రాజకీయ విశ్లేషకులు అంటున్నారు. వారణాసి లోక్‌సభ స్థానానికి ఎన్నికల చివర దశ అంటే ఏడో దశలో జూన్ 1వ తేదీన పోలింగ్ జరిగింది.

రెండు పర్యాయలుగా వారణాసిలో బంపర్‌ మెజారిటీతో గెలిచిన ప్రధాని నరేంద్ర మోదీ మరోసారి హ్యాట్రిక్‌పై కన్నేశారు. వారణాసిలో మోదీ విజయం ఖాయమని అందరూ భావించారు. ఎగ్జిట్ పోల్స్‌లోనూ మోదీ విజయం ఖాయమని స్పష్టం చేశాయి. అయితే ప్రస్తుతం మోదీ ఆ స్థానంలో వెనుకంజలో ఉండటం గమనార్హం.

తెలంగాణలో లోక్ సభ ఎన్నికల ఫలితాలు తొలి ట్రెండ్స్ విడుదలయ్యాయి. ఉదయం 8గంటలకు పోలింగ్ ప్రక్రియ ప్రారంభమైన నేపథ్యంలో అధికారులు తొలుత పోస్టల్ బ్యాలెట్లను లెక్కిస్తున్నారు. ఈ ప్రక్రియ దాదాపు అరగంటపాటూ కొనసాగింది. కొన్ని ప్రాంతాల్లో మరికొంత సమయం పట్టే అవకాశం ఉంది. తొలుత పోస్టల్ బ్యాలెట్ కౌంటింగ్ పూర్తయ్యాక ఈవీఎంలను లెక్కించనున్నారు. ఈ నేపథ్యంలో లోక్ సభ ఎన్నికల్లో పోస్టల్ బ్యాలెట్లలో తొలి ఫలితం విడుదలైంది. 

పోస్టల్ బ్యాలెట్లలో స్వల్ప ఆధిక్యంతో బీజేపీ ముందంజలో ఉంది. అధికార కాంగ్రెస్ పార్టీకి ఆధిక్యం తగ్గింది. తెలంగాణలోనే కాకుండా దేశంలోనే అత్యంత పెద్ద పార్లమెంట్ నియోజకవర్గంగా పేరున్న మల్కాజ్‌గిరిలో బీజేపీ అభ్యర్థి ఈటల రాజేందర్ ఆధిక్యంలో కొనసాగుతున్నారు. ఎల్‌బీ నగర్ అసెంబ్లీ సెగ్మెట్‌లో మొదటి రౌండ్‌లో బీజేపీ లీడ్‌లో కొనసాగుతోంది. మరోవైపు కరీంనగర్‌లో బీజేపీ అభ్యర్థి బండి సంజయ్ ముందంజలో ఉన్నారు. ఖమ్మంలో కాంగ్రెస్ అభ్యర్థి రామసహాయం రఘురామిరెడ్డి ఆధిక్యంలో కొనసాగుతున్నారు. 

ఆదిలాబాద్‌లో బీజేపీ అభ్యర్థి నగేష్‌ ఆధిక్యంలో ఉన్నారు. అటు హైదరాబాద్ ఎంఐఎం అభ్యర్థి అసదుద్దీన్ ఒవైసీ ముందంజలో ఉన్నారు. నాగర్ కర్నూల్‌లో కాంగ్రెస్ ఆధిక్యత కొనసాగుతోంది. కాంగ్రెస్ అభ్యర్థి మల్లు రవి ముందంజలో ఉన్నారు. భువనగిరిలో కాంగ్రెస్ అభ్యర్థి కిరణ్ కుమార్ రెడ్డి ఆధిక్యంలో ఉన్నారు. తొలుత బీజేపీ అభ్యర్థి బూర నర్సయ్యగౌడ్‌కు ముందంజలో కొనసాగారు. మెదక్‌లో కాంగ్రెస్ అభ్యర్థి నీలం మధు ముందజలో ఉన్నారు. గతంలో ఇక్కడ బీఆర్ఎస్ అభ్యర్థి కొత్త ప్రభాకర్ రెడ్డి గెలుపొందారు. అయితే తొలిరౌండ్‌లో బీఆర్ఎస్‌కు నిరాశ ఎదురైంది.