తెలుగు సినిమా ప్రేక్షకులు ఎంతగానో ఎదురు చూస్తున్న కల్కి 2898 AD ట్రైలర్ వచ్చేసింది. సైంటిఫిక్ యాక్షన్ థ్రిల్లర్ గా తెరకెక్కిన ఈ మూవీ యుగాంతం నేపథ్యంలో ఉంటుందని ముందు నుంచే ప్రచారం జరిగింది. నాగ్ అశ్విన్ దర్శకత్వంలో ప్రభాస్ కెరీర్ లోనే భారీ బడ్జెట్ తో సినిమాను తీశారు. జూన్ 27న సినిమా రిలీజ్ అవుతున్న నేపథ్యంలో తాజాగామూవీ ట్రైలర్ ను రిలీజ్ చేశారు.

ఇందులో ప్రభాస్ ప్రత్యేక పవర్స్ కలిగిన వ్యక్తిగా కనిపించాడు. కాశీ లోని చివరి గ్రామంలో ఇదంతా జరిగినట్టు చూపించారు. ట్రైలర్ ఆద్యంతం టోన్డ్ కలర్ లోనే సాగింది. ప్రభాస్ కటౌట్ ను కూడా బాగానే వాడుకున్నాడు దర్శకుడు. ఇందులో చాలా పాత్రలను చూపించలేదు. కొన్ని పాత్రలను మాత్రమే చూపించారు.

ట్రైలర్ లో ప్రభాస్ పాత్ర గూస్ బంప్స్ పెట్టించే విధంగా ఉంది. నా ట్రాక్ రికార్డు చూడు.. ఇప్పటి వరకు ఏ ఫైట్ కూడా ఓడిపోలేదు అంటూ ప్రభాస్ చెప్పిన డైలాగ్స్ బాగున్నాయి. ఇందులో విజువల్స్ హాలీవుడ్ రేంజ్ లో ఉన్నాయి. ఈ ట్రైలర్ చూస్తున్నంత సేపు.. అసలు ఇది తెలుగు సినిమానా.. లేకపోతే హాలీవుడ్ సినిమానా అనేలా ఉంది. మరి థియేటర్లలో ఎలాంటి మ్యాజిక్ చేస్తుందో చూడాలి.

సినీ ఇండస్ట్రీలో ప్రస్తుతం రీరిలీజ్ ట్రెండ్ నడుస్తోంది. హీరోల జన్మదిన వేడుకలు లేదా సినిమా వార్షికోత్సవాల సందర్భంగా ఇదివరకు సూపర్ హిట్‌గా నిలిచిన చిత్రాలను విడుదల చేస్తున్నారు. దీంతో థియేటర్లలో అభిమానుల సందడి అంతాఇంతా కాదు. ఇదిలా ఉంటే యంగ్ రెబల్ స్టార్ ప్రభాస్ కెరీర్‌లోనే బిగ్గెస్ట్ హిట్‌గా నిలిచిన వర్షం, మిస్టర్ పర్‌ఫెక్ట్ సినిమాలు ఇప్పటికే రీరిలీజ్ అయిన విషయం తెలిసిందే. 

తాజాగా ప్రభాస్ నటించిన క్లాసికల్ మూవీ ‘చక్రం’ సినిమా విడుదలకు సిద్ధమవుతోంది. జూన్ 8వ తేదీన గ్రాండ్‌గా రీరిలీజ్ చేసేందుకు సన్నాహాలు చేస్తున్నారు. కృష్ణవంశీ దర్శకత్వంలో 2005లో విడుదలైన ఈ సినిమా అప్పట్లో మిశ్రమ ఫలితాలను అందుకుంది. అయినప్పటికీ చాలా మంది గుండెల్లో ఈ సినిమా ప్రత్యేక స్థానాన్ని సంపాదించుకుంది.

టీవీల్లో ఈ సినిమా ప్రసారమయ్యాక ప్రేక్షకాదరణ పెరిగింది. అయితే ఈ సినిమాలో మ్యూజిక్ డైరెక్టర్ చక్రి అందించిన పాటలు హైలెట్ అని చెప్పాలి. ఇప్పటికీ చాలా మంది తమ ప్లేలిస్ట్‌లో ఈ సినిమా పాటలు వింటుంటారంటే అతిశయోక్తికాదు. ఈ క్లాసికల్ సినిమాలో ఛార్మి, ఆసిన్‌లు హీరోయిన్లుగా నటించారు. అదేవిధంగా ప్రకాష్‌రాజ్ హీరో తండ్రి పాత్రలో నటించి మెప్పించారు.