ఆసిస్ జట్టు అహంకార పూరిత మాటలను మాత్రం వదలట్లేదు. ఇప్పటికే పలుమార్లు ఇండియా మీద ఇలాంటి కామెంట్లు చేసింది ఆసిస్ టీమ్. ఇప్పుడు తాజాగా ఆసిస్ టీమ్ కెప్టెన్ మిచెల్ మార్ష్ కూడా ఇలాంటి వ్యాఖ్యలే చేశారు. తాజాగా తమ కంటే అన్ని విధాలుగా చిన్న జట్టు అయిన ఆఫ్గనిస్తాన్ తో ఆసిస్ జట్టు ఘోరాతి ఘోరంగా ఓడిపోయింది. 

21 పరుగుల తేడాతో ఓడిపోవడంతో ఆసిస్ జట్టు మీద రకరకాల మీమ్స్ వైరల్ అవుతున్నాయి. అయితే మ్యాచ్ అనంతరం మిచెల్ మార్ష్‌ మాట్లాడుతూ.. ఈ రోజు ఆఫ్ఘనిస్తాన్ జట్టు అద్భుతమైన ప్రదర్శన చేసి మమ్మల్ని ఓడించింది. పిచ్ పరిస్థితులను బట్టి ఏ జట్టు అయినా సరే టాస్ గెలిచాక ఫీల్డింగ్ ఎంచుకుంటాయి. 

ఈ రోజు మా ఇరువురి జట్లకు పిచ్ అనుకూలించింది. కాకపోతో ఓడిపోయాం. ఇక తర్వాత ఇండియాతో తప్పకుండా గెలుస్తాం. ఎందుకంటే మాకు గెలవడానికి ఇండియా కంటే మెరుగైన జట్టు మాకు దొరకదు. టీమ్ ఇండియాపై మేం గెలవాలని కోరుకుంటున్నా’ అంటూ కామెంట్ చేశాడు. అయితే టీమ్ ఇండియా ఓడిపోయే టీమ్ అనే విధంగా ఆయన చేసిన కామెంట్ మీద ఫ్యాన్స్ తీవ్ర ఆగ్రహం వ్యక్తం చేస్తున్నారు.

టీ20 ప్రపంచ కప్ లో టీమిండియా అదరగొడుతోంది. ఇప్పటికే వరుసగా గ్రూప్ స్టేజ్ మ్యాచుల్లో విజయం సాధించింది. దాంతో మన టీమ్ తదుపరి దశ అంటే సూపర్-8 కు చేరుకుంది. సూపర్-8 మ్యాచ్ ల కోసం బార్బడోస్ కు చేరుకుంది. ఇక్కడ ఇప్పుడు ఆఫ్ఘనిస్తాన్ తో ఆడేందుకు రెడీ అవుతోంది మన టీమ్ ఇండియా.

కాగా ఈ మ్యాచ్ కు రెడీ అయ్యేందుకు టీమ్ ఇండియా ఇప్పటికే బిజీబిజీగా గడిపేస్తోంది. ఈ క్రమంలోనే మ్యాచ్ కు ముందు మన టీమ్ ఇండియా ఆటగాళల్ఉ బీచ్ లో తెగ ఎంజాయ్ చేశారు. బార్బడోస్ చేరుకున్న తర్వాత బీచ్ లో అంతా తేలారు. అక్కడ ఆటగాళ్లు రెండు గ్రూప్ లుగా విడిపోయారు. 

వారంతా కూడా మరో ఆట ఆడారు. అదేనండి వాలీవాల్. కాకపోతే ఇందులో ఎవరికీ షర్టులు లేవు. కేవలం షార్ట్స్ వేసుకుని అందరూ ఇలా అర్థనగ్నంగా ఆడారన్నమాట. అయితే వీరంతా క్రికెట్ కు కాసేపు విరామం ఇవ్వాలనే నెపంతోనే ఇలా కాసేపు టైమ్ పాస్ చేశారని తెలుస్తోంది. ఇందుకు సంబంధించిన ఫొటోలు, వీడియోలు ప్రస్తుతం సోషల్ మీడియాలో వైరల్ అవుతున్నాయి. 

టీమ్ ఇండియా ఫ్యాన్స్ కు బ్యాడ్ న్యూస్ వచ్చేలా ఉంది. ఎందుకంటే ఈ రోజు రాత్రి 8 గంటలకు టీమ్ ఇండియా-కెనెడా మ్యాచ్ ఉంది. ఇప్పటికే టీ20 ప్రపంచ కప్ లో వరుసగా నాలుగు మ్యాచ్ లలో గెలిచిన ఇండియా.. సూపర్-8కు చేరుకుంది. కానీ కెనెడా మాత్రం ఇంకా లీగ్ దశలోనే ఉంది. 

కాగా నేడు మ్యాచ్ జరిగే ఫ్లోరిడాలో భారీ వర్షాలు పడుతున్నాయి. కాబట్టి ఈ మ్యాచ్ రద్దయ్యే అవకాశాలే ఎక్కువగా కనిపిస్తున్నాయి. పైగా ఇవాళ రాత్రి మ్యాచ్ జరిగే సమయంలో కూడా వర్షంపడే అవకాశం 50 శాతం ఉందని వాతావరణ అధికారులు తెలుపుతున్నారు. కాబట్టి మ్యాచ్ జరగకపోవచ్చని అంటున్నారు. 

ఈ గ్రౌండ్ లో నిన్న అమెరికా, ఐర్లాండ్ మ్యాచ్ కూడా వర్షం కారణంగా ఆగిపోయింది. కాబట్టి ఈ రోజు కూడా మ్యాచ్ ఆగిపోయే ఛాన్స్ ఉంది. అయితే ఈ రోజు మ్యాచ్ ఆగిపోయినా ఎవరికీ పెద్దగా నష్టం ఉండదు. ఇప్పటికే ఇండియా సూపర్-8కి చేరుకుంది కాబట్టి ముందుకు వెళ్తుంది. కానీ కెనడా మాత్రం నిష్క్రమిస్తుంది.

గత ఐపీఎల్ సీజన్ సమయంలో హార్థిక్ పాండ్యా పేరు బలంగా వినిపించింది. హార్థిక్ చాలా రోజులుగా అందరి ప్రశంసలు అందుకునేలా ఆడాడు. కానీ ఐపీఎల్ లో ఘోరమైన ఫామ్ తో విమర్శళు మూటగట్టుకున్నాడు. ఆ తర్వాత తన భార్య నటాషాతో విడాకులు అంటూ పెద్ద ఎత్తున వార్తలు వచ్చాయి. భరణం కూడా ఇచ్చాడంటూ రూమర్లు స్ప్రెడ్ అయ్యాయి. 

అయితే ఆ తర్వాత నటాషా పదిహేను రోజుల క్రితం ఓ పోస్టు చేయడంతో అంతా సద్దుమణిగింది. అయితే ప్రస్తుతం టీ20 ప్రపంచ కప్ లో ఆడుతున్న హార్తిక్ బాగానే ఆడుతున్నాడు. ఈ క్రమంలోనే మొన్న పాకిస్థాన్ తో జరిగిన మ్యాచ్ లో ఇండియా గెలిచింది. ఈ సందర్భంగా ఢిల్లీ క్యాపిటల్స్ కోచ్ రికీ పాంటింగ్ భారత ఆటగాళ్లను ప్రశంసించారు. 

హార్థిక్ తో సరదాగా ముచ్చటించాడు రికీ పాంటింగ్. వారిద్దరి మధ్య సంభాషణ ఇలా సాగింది.

హార్దిక్ పాండ్యా: రికీ..! అంతా ఎలా జరుగుతోంది? మీ కుటుంబం ఎలా ఉంది
రికీ పాంటింగ్: వాళ్లంతా కూల్‌గా ఉన్నారు. మీరు ఎలా ఉన్నారు?
హార్దిక్ పాండ్యా: అంతా బాగానే ఉంది. ఆల్ స్వీట్ అంటూ చెప్పాడు. 

అంటే హార్థిక్ మాటలను బట్టి తాను ఇంకా విడాకులు తీసుకోలేదని తెలుస్తోంది. కలిసే ఉన్నారని అంటున్నారు వారి అభిమానులు.

Tటీ20 ప్రపంచ కప్‌ 2024లో భారత్ అదరగొడుతోంది. ఇప్పటికే రెండు మ్యాచ్ లు గెలచిన టీమ్ ఇండియా.. వరుసగా మూడో మ్యాచ్ లో కూడా విజయం సాధించింది. బుధవారం నాడు అమెరికాతో న్యూ యార్క్‌ వేదికగా జరిగిన మ్యాచ్ లో టీమ్ ఇండియా మొదటగా టాస్ గెలిచి ఫీల్డింగ్ ఎంచుకుంది. బ్యాటింగ్ కు దిగిన అమెరికా 20 ఓవర్లలో 8 వికెట్లు కోల్పోయి కేవలం 110 పరుగులు చేసింది. నితీశ్‌కుమార్‌ (27) టాప్ స్కోరర్.

ఇక 111 పరుగుల లక్ష్యంతో బరిలోకి దిగిన ఇండియాకు ఆదిలోనే పరాభవం ఎదురైంది. ఓపెనర్లు కెప్టెన్ రోహిత్ (3), విరాట్ కోహ్లీ (0) మరోసారి ఘోరంగా నిరాశ పరిచారు. ఇక రిషభ్ పంత్ కూడా కేవలం 18 పరుగులు చేసి ఔట్ అయ్యాడు. దాంతో సూర్యకుమార్ యాదవ్ కీలక ఇన్నింగ్స్ ఆడాడు. సూర్యకుమార్ యాదవ్ 49 బంతుల్లో 50 నాటౌట్, 2 ఫోర్లు, 2 సిక్స్‌లతో ఆదుకున్నాడు. 

దాంతో ఇండయా 111 పరుగుల లక్ష్యాన్ని 18.2 ఓవర్లలో మూడు వికెట్లు కోల్పోయి ఛేదించింది. ఇక శివం దూబే కూడా ( 35 బంతుల్లో 31 నాటౌట్, 1 ఫోర్, 1 సిక్స్‌) కూడా కీలక ఇన్నింగ్స్‌ ఆడాడు. అంతకు ముందు అమెరికాను నాలుగు వికెట్లు తీసి కట్టడి చేసిన పేసర్ అర్షదీప్ కు ప్లేయర్ ఆఫ్ ది మ్యాచ్ లభించింది.

టీమిండియా ఆల్‌రౌండర్ హార్దిక్ పాండ్యాను వరుస వివాదాలు చుట్టుముడుతున్నాయి. ఇప్పటికే ఐపీఎల్ 2024లో కెప్టెన్‌గా విఫలమైన బాధలో ఉండగా ఇప్పుడు టీ 20 ప్రపంచ కప్‌లో ఎందుకు ఎంపిక చేశారనే విమర్శలను ఎదుర్కొంటున్నాడు. కెరీర్ పరంగా సవాళ్లు ఎదుర్కొంటున్న పాండ్యా వ్యక్తిగత జీవితంలోనూ ఆటుపోట్లను ఎదుర్కొంటున్నాడు.

ఈ నేపథ్యంలో జట్టుతో కలిసిన హార్దిక్ బంగ్లాతో జరిగిన వార్మప్ మ్యాచ్‌లో చెలరేగాడు. 40 పరుగులు చేయడంతో పాటు ఒక వికెట్ తీశాడు. మ్యాచ్ అనంతరం మాట్లాడిన హార్దిక్ తాను ఎదుర్కొంటున్న కొన్ని క్లిష్టపరిస్థితులను మీడియాతో పంచుకున్నాడు. ఏ సమస్యను సులువుగా వదిలిపెట్టనని చెప్పాడు. చివరి వరకూ పోరాడేందుకే ప్రయత్నిస్తానని తెలిపాడు. 

‘జీవితం అయినా మైదానం అయినా.. ఈ యుద్ధంలో చివరి వరకూ పోరాడుతూనే ఉండాలి. క్లిష్ట పరిస్థితుల్లో వాటిని వదిలేస్తే అనుకున్న ఫలితాలను సాధించలేం. నేను సాధించడంపైనే దృష్టి పెడతా. ఇలాంటి పరిస్థితి నాకు కొత్తేం కాదు. పోరాడుతూ ఉంటే పరిస్థితుల్లో మార్పు వస్తుంది. జీవితంలో బ్యాడ్ డేస్ మాత్రమే కాదు.. గుడ్ డేస్ కూడా ఉంటాయి. త్వరలోనే అన్నీ అనుకూలంగా మారుతాయని ఆశిస్తున్నా’ అని పాండ్యా అన్నాడు.

క్రికెట్ అభిమానులు ఎంతగానో ఎదురుచుస్తున్న టీ20 ప్రపంచకప్ 2024 ఆరంభమైంది. ఈ మ్యాచ్‌లు స్టార్ స్పోర్ట్స్, హాట్ స్టార్లలో ప్రత్యక్ష ప్రసారం అవుతున్నాయి. మెగా టోర్నీ తొలి మ్యాచ్‌లో అమెరికాతో కెనడా ఢీకొడుతోంది. ఈ మ్యాచ్ భారత కాలమానం ప్రకారం.. ఆదివారం (జూన్ 2) ఉదయం 6గంటలకు ఆరంభం అయింది. టాస్ గెలిచిన అమెరికా బౌలింగ్ ఎంచుకుంది. కెనడా 15 ఓవర్లలో మూడు వికెట్ల నష్టానికి 137రన్స్ చేసింది.

2028 లాస్ ఏంజెల్స్ ఒలింపిక్స్‌లో క్రికెట్ భాగంగా ఉండటంతో ఈ ప్రపంచకప్ ద్వారా అక్కడి అభిమానులను ఆకర్షించేందుకు ఐసీసీ ప్రయత్నిస్తోంది. 20 జట్లను 5 టీమ్స్ చొప్పున 4 గ్రూప్లుగా విభజించారు. ఒక్కో జట్టు తమ గ్రూప్‌లోని ఇతర నాలుగు జట్లతో పోటీకి దిగుతాయి. టాప్-2లో నిలిచిన రెండు టీమ్‌లు సూపర్ ఎయిట్‌కు చేరుకుంటాయి. సూపర్ ఎయిట్‌లో ఎనిమిది టీమ్‌లను రెండు గ్రూప్‌లుగా విడదీస్తారు. ఒక్కో టీమ్ మిగిలిన మూడు జట్లతో మ్యాచ్‌లు ఆడుతుంది. 

ఒక్కో గ్రూప్ నుంచి టాప్- 2లో నిలిచిన రెండు టీమ్‌లు సెమీస్ ఆడుతాయి. చివరగా ఫైనల్ మ్యాచ్ జరుగుతుంది. వెస్టిండీస్‌తో ఆరు, అమెరికాలలో మూడు వేదికలలో మ్యాచ్‌లు జరగనున్నాయి. కాగా, క్రికెట్'కు అంతగా ప్రాధాన్యం లేని అమెరికా వెస్టిండీస్‌తో కలిసి టీ20 ప్రపంచకప్‌నకు ఆతిథ్యస్తోంది. వెస్టిండీస్‌తో 2010లో మెగా పోరు జరిగింది. క్రికెట్‌ను మరిన్ని దేశాలకు విస్తరింపజేయడంలో భాగంగా ఐసీసీ తొలిసారి 20 జట్లతో ప్రపంచకప్ నిర్వహిస్తోంది. ర్యాంకింగ్, ఆతిథ్య జట్టు హోదాలో టీమ్‌లు ముందుగా అర్హత సాధించగా క్వాలిఫయింగ్ టోర్నీల ద్వారా మరిన్ని జట్లు బరిలో నిలిచాయి.