మణిపూర్‌లో స్వల్ప భూకంపం సంభవించింది. నేషనల్ సెంటర్ ఫర్ సిస్మోలజీ(ఎన్‌సీఎస్) తెలిపిన వివరాలు ఇలా ఉన్నాయి. మణిపూర్‌లోని చందేల్‌లో ఆదివారం తెల్లవారుజామున 2.28గంటలకు భూమి కంపించింది. దీంతో ప్రజలు భయాందోళనకు గురై ఇళ్ల నుంచిబయటకు పరుగులుతీశారు. 

ఈ భూకంప తీవ్రత రిక్టర్‌ స్కేల్‌పై 3.5గా నమోదైనట్లు అధికారులు వెల్లడించారు. భూకంప కేంద్రం 77కిలోమీటర్ల లోతులో ఉన్నట్లు ఎన్‌సీఎస్ గుర్తించింది. ఇది ఆక్షాంశం 23.9ఎన్, రేఖాంశం 94.10ఈ వద్ద జరిగిందని పేర్కొంది. ఈ ఘటనలో ఎలాంటి ప్రాణనష్టం జరగలేదని అధికారులు స్పష్టం చేశారు. భూకంప తీవ్రత స్వల్పంగానే ఉండటంతో ఎలాంటి ప్రాణనష్టం జరగలేదని తెలిపారు.