సాధారణంగా వేసవి కాలంలో పెద్ద హీరోల సినిమాలన్నీ కూడా ప్రేక్షకుల ముందుకు వస్తుంటాయి కానీ ఈసారి మాత్రం ఎన్నికలు జరుగుతున్నటువంటి నేపథ్యంలో స్టార్ హీరోల సినిమాలు విడుదల కాకపోవడంతో థియేటర్లన్నీ కూడా బోసిపోతున్నాయి ఈ క్రమంలోనే సింగిల్ స్క్రీన్ థియేటర్లకు ప్రేక్షకులు రావడమే కరువయ్యారు .దీంతో నిర్వహణ ఖర్చులు అధికమయ్యాయని థియేటర్ యాజమాన్యం  ఆవేదన వ్యక్తం చేస్తున్నారు. 

ఇలా ప్రేక్షకులు థియేటర్లకు రాకపోవడంతో సుమారు పది రోజులపాటు సింగిల్ స్క్రీన్ థియేటర్లో అన్నింటిని మూసి వేస్తున్నట్లు ప్రకటించారు. అయితే ఈ విషయంపై తెలంగాణ స్టేట్ ఫిలిం చాంబర్ ఆఫ్ కామర్స్ స్పందించింది. సింగిల్ స్క్రీన్ థియేటర్లో మూసివేయాలి అన్నది పూర్తిగా ఎగ్జిబిటర్ల వ్యక్తిగత నిర్ణయం అని వెల్లడించారు. 

ఈ విధమైనటువంటి నిర్ణయం తీసుకునే సమయంలో ఎగ్జిబిటర్లు తమని సంప్రదించలేదని ఫిలిం ఛాంబర్ తెలియచేసింది.. ఈ విధంగా సింగిల్ స్క్రీన్ థియేటర్లను మూసి వేసే నిర్ణయంతో మాకు ఏ విధమైనటువంటి సంబంధం లేదని పేర్కొన్నారు. ఇది థియేటర్ యాజమాన్యులు స్వచ్ఛందంగా తీసుకున్న నిర్ణయం అంటూ ఓ ప్రకటన విడుదల చేసింది.

ఒకప్పుడు సినిమా అంటే పెద్ద ఎత్తున ప్రేక్షకులు థియేటర్లకు వెళ్లేవారు కానీ ఇప్పుడు మాత్రం సినిమాలను చూడటానికి పెద్దగా ఆసక్తి చూపకపోవడంతో థియేటర్ యాజమాన్యం భారీ స్థాయిలో నష్టాలను చవి చూస్తుందని తెలుస్తోంది. అయితే తాజాగా తెలంగాణలోని సింగిల్ స్క్రీన్ థియేటర్ యాజమాన్యం ఊహించని నిర్ణయం తీసుకుంది. 

నేటి నుంచి తెలంగాణలో రెండు వారాలపాటు సింగిల్ స్క్రీన్ థియేటర్స్ నిలిపివేయాలని నిర్ణయం తీసుకున్నారు. థియేటర్ ఆక్యుపెన్సీ పూర్తిగా పడిపోయిందని తద్వారా నష్టాలు అధికంగా వస్తున్నటువంటి తరుణంలో రెండు వారాలపాటు సింగిల్ స్క్రీన్ థియేటర్స్ అన్నింటినీ క్లోజ్ చేస్తున్నట్లు ప్రకటించారు. ఈ విధంగా ప్రేక్షకులు థియేటర్లకు రాకపోవడంతో తీవ్రమైనటువంటి ఆర్థిక ఇబ్బందులు తలెత్తుతున్నాయి ఆర్థిక ఇబ్బందుల కారణంగానే థియేటర్లను మూసి వేస్తున్నట్లు యాజమాన్యం వెల్లడించారు. 

ఇక ఈ విషయంపై నిర్మాతలు స్పందించి థియేటర్ అద్దెలను పెంచి యాజమాన్యులను ఆదుకోవాలని కోరారు. అయితే థియేటర్ ఆక్యుఫెన్సీ విషయంలో మార్పులు కనుక చోటుచేసుకుని పరిస్థితిలో అనుకూలిస్తే తప్పకుండా థియేటర్లను తిరిగి ప్రారంభిస్తామని థియేటర్ యాజమాన్యం వెల్లడించింది. అయితే సినిమాలు విడుదలైన కొద్ది రోజులకే ఓటీటీలలోకి అందుబాటులోకి రావటం కూడా అందుకు ఒక కారణం కావచ్చు అని తెలుస్తుంది.