విశ్వంభర, సినిమా బ్యూరో: టాలీవుడ్‌లోకి మరో ప్రతిభావంతురాలైన తెలుగమ్మాయి అడుగుపెడుతోంది. థియేటర్ ఆర్ట్స్, శాస్త్రీయ నృత్యం, సంగీతంలో అపారమైన అనుభవం ఉన్న మనస్విని బాలబొమ్మల, త్వరలో విడుదల కానున్న “కొక్కోరోకో” చిత్రంతో వెండితెర అరంగేట్రం చేయబోతున్నారు. సంక్రాంతి పండుగ సందర్భంగా విడుదల చేసిన ఈ చిత్ర స్పెషల్ పోస్టర్ ఇప్పుడు ఫిల్మ్ నగర్ వర్గాల్లో ఆసక్తిని రేకెత్తిస్తోంది. “Our Bangarraju Family wishes you a Happy Sankranthi” అంటూ చిత్ర బృందం విడుదల చేసిన పోస్టర్‌లో మనస్విని లుక్ చాలా పద్ధతిగా, తెలుగమ్మాయి కళతో ఆకట్టుకుంటోంది. ఈ పోస్టర్‌లో ఆమెతో పాటు సీనియర్ నటుడు సముద్రఖని, ఇతర తారాగణం కూడా కనిపిస్తున్నారు. ఈ సినిమాలో ఆమె ఒక కీలకమైన పాత్రను పోషిస్తున్నారు.

మనస్విని కేవలం నటి మాత్రమే కాదు, కళల పట్ల ఆమెకు సహజసిద్ధమైన అవగాహన ఉంది. గతంలో ‘లిటిల్ ఉమెన్’ నాటకంలో ‘జో’ గా, ‘మచ్ అడూ అబౌట్ నథింగ్’లో ‘బియాట్రిస్’గా ప్రధాన పాత్రలు పోషించి స్టేజ్ మీద తన సత్తా చాటారు. తెలంగాణ గర్వించదగ్గ ‘పేరిణి శివతాండవం’లో ఆమె ప్రత్యేక శిక్షణ పొందారు. అలాగే కర్ణాటక సంగీతంలోనూ ప్రవేశం ఉంది. గ్లెండేల్ అకాడమీలో పలు కార్యక్రమాలకు యాంకరింగ్ చేసిన అనుభవం ఆమెకు చక్కని స్టేజ్ ప్రెజెన్స్‌ను ఇచ్చింది.

ఆసక్తికరంగా ‘కొక్కోరోకో’
ప్రముఖ దర్శకుడు రమేష్ వర్మ తన సొంత బ్యానర్ ‘ఆర్వీ ఫిల్మ్ హౌస్’పై నిర్మిస్తున్న తొలి చిత్రం ఇది. కోడిపందేల నేపథ్యంలో ఐదు విభిన్న పాత్రల చుట్టూ తిరిగే ఆసక్తికరమైన కథాంశంతో ఈ చిత్రం తెరకెక్కుతోంది. శ్రీనివాస్ వసంతల ఈ చిత్రానికి దర్శకత్వం వహిస్తుండగా, సంకీర్తన్ సంగీతం అందిస్తున్నారు. ఆకాశ్ ఆర్ జోషి ఛాయాగ్రహణ బాధ్యతలు నిర్వహిస్తున్నారు. ప్రస్తుతం షూటింగ్ పూర్తి చేసుకున్న ఈ చిత్రం 2026లో ప్రేక్షకుల ముందుకు రానుంది. పక్కా లోకల్ టాలెంట్‌తో వస్తున్న మనస్విని టాలీవుడ్‌లో బలమైన ముద్ర వేస్తుందని సినీ విశ్లేషకులు భావిస్తున్నారు.

విశ్వంభర, సినిమా: మెగాస్టార్ చిరంజీవి హీరోగా, అనిల్ రావిపూడి దర్శకత్వంలో తెరకెక్కిన భారీ చిత్రం 'మన శంకర వరప్రసాద్ గారు' రేపు (జనవరి 12) ప్రపంచవ్యాప్తంగా గ్రాండ్‌గా విడుదల కానుంది. అయితే, సినిమా విడుదలకు ముందే క్లైమాక్స్ సీక్వెన్స్‌పై ఒక ఆసక్తికరమైన అప్ డేట్ సోషల్ మీడియాలో వైరల్ అవుతోంది. ఈ చిత్రంలో నయనతార కీలక పాత్ర పోషిస్తుండగా, క్లైమాక్స్‌లో ఆమెతో పాటు ఆమె కుటుంబ సభ్యులను విలన్లు టార్గెట్ చేస్తారట. వేరు వేరు ప్రదేశాల్లో చిక్కుకున్న వారిని రక్షించే క్రమంలో చిరంజీవికి తోడుగా విక్టరీ వెంకటేష్ సడెన్ ఎంట్రీ ఇస్తారని సమాచారం. ఇద్దరు అగ్ర హీరోలు కలిసి శత్రువుల పని పట్టే సీన్ థియేటర్లలో పూనకాలు తెప్పిస్తుందని ఇండస్ట్రీ టాక్. ఈ 'మెగా-విక్టరీ' కాంబో ఫ్యాన్స్‌కు అసలైన పండగ ట్రీట్ అని చెప్పాలి.

ఈ సినిమా గురించి చిరంజీవి మాట్లాడుతూ.. "ఇది ఒక కంప్లీట్ ఎంటర్‌టైనర్. కథ విన్నప్పుడే నాకు బాగా నచ్చింది, ప్రేక్షకులు కూడా ఖచ్చితంగా ఎంజాయ్ చేస్తారు" అని ధీమా వ్యక్తం చేశారు. అనిల్ రావిపూడి మార్క్ కామెడీతో పాటు చిరు వింటేజ్ స్వాగ్ కలగలిపి ఉండటంతో సినిమాపై అంచనాలు ఆకాశాన్ని తాకుతున్నాయి. ఇక సాహు గారపాటి, సుస్మిత (చిరంజీవి కుమార్తె) సంయుక్తంగా ఈ సినిమాని నిర్మిస్తున్నారు. సంక్రాంతి సీజన్ కావడంతో ఈ సినిమా ఓపెనింగ్స్ రికార్డ్ స్థాయిలో ఉండబోతున్నాయని అభిమానులు అంటున్నారు.

మెగా వారసుడిగా రామ్ చరణ్‌ ఇండస్ట్రీలో బాగానే నిలదొక్కుకున్నాడు. తండ్రికి తగ్గ తనయుడిగా ఇండస్ట్రీలో రాణిస్తున్నాడు రామ్ చరణ్‌. అయితే ఇన్నేండ్లు రామ్ చరణ్‌ వరుసగా షూటింగులకు హాజరయ్యేవాడు. దాంతో కుటుంబంతో పెద్దగా సమయం గడిపేవాడు కాదు. కానీ ఇప్పుడు రామ్ చరణ్‌ కు ఓ కూతురు ఉంది. 

పెళ్లైన పదేండ్ల తర్వాత రామ్ చరణ్‌-ఉపాసన దంపతులకు క్లింకార పుట్టింది. అందుకే ఇప్పుడు తన కూతురు కోసం రామ్ చరణ్‌ ఓపెద్ద నిర్ణయం తీసుకున్నట్టు చెబుతున్నాడు. తాజాగా ఆయన ఓ మీడియాతో మాట్లాడుతూ ఈ విషయాలు తెలిపాడు. ఇక నుంచి నా కూతురు క్లింకార కోసం కొంత టైమ్ కేటాయించాలని అనుకుంటున్నాను. 

వరుష షూటింగుల వల్ల క్లింకారను వదిలి వెళ్లలేకపోతున్నాను. కాబట్టి కొన్నాళ్లు నా కూతురు కోసం నెమ్మదిగా సినిమాలు చేస్తాను. ఎందుకంటే నా కూతురుకు నేను బానిస అయిపోయాను. ఆమె కోసం కొన్నాళ్ల పాటు సమయం కేటాయించాలని డిసైడ్ అయ్యాను. లోకల్ లో షూటింగ్స్ ఉంటే కచ్చితంగా సాయంత్రం 6 గంటల లోపే ఇంటికి వచ్చేస్తాను. నా నిర్మాతలకు కూడా ఇదే విషయం చెబుతాను అంటూ తెలిపాడు రామ్ చరణ్‌. తన కూతురు స్కూల్ కు వెల్లేదాకా అలాగే వెళ్తానని తెలిపారు.

బెంగళూరు రేవ్ పార్టీ కేసులో టాలీవుడ్ నటి హేమ అరెస్ట్ అయిన విషయం తెలిసిందే. తాజాగా ఈ కేసులో హేమకు ఊరట లభించింది. బెంగళూరు స్పెషల్ కోర్టు ఆమెకు షరతులతో కూడిన బెయిల్ మంజూరు చేసింది. ప్రస్తుతం జ్యుడిషియల్ కస్టడీలో భాగంగా హేమ పరప్పన అగ్రహార జైల్లో ఉంది. బెయిల్ లభించిన నేపథ్యంలో ఆమె జైలు నుంచి బయటికి రానుంది. 

బెంగళూరు పోలీసులు మరికొంతమంది టాలీవుడ్ సెలబ్రిటీలను ఈ పార్టీకి తరలించే ప్రయత్నం చేసినట్లు ధ్రువీకరించారు. దీంతో విచారణకు హాజరు కావాలని నోటీసులు కూడా పంపించారు. తొలిసారి జారీ చేసిన నోటీసులకు అనారోగ్య కారణాలతో హేమ విచారణకు హాజరు కాలేదు. దీంతో రెండోసారి కూడా బెంగళూరు పోలీసులు నోటీసులు జారీ చేశారు. అప్పుడు బుర్ఖా ధరించి విచారణకు హాజరైంది హేమ. ఆ తర్వాత కోర్టు ఆమెకు 14 రోజుల పాటు జ్యుడిషియల్ కస్టడీ విధించింది. 

ఆ తర్వాత మూవీ ఆర్టిస్ట్ అసోసియేషన్ కూడా హేమ సభ్యత్వాన్ని రద్దు చేసింది. తాజాగా హేమకు బెయిల్ మంజూరు కావడంతో హేమకు కాస్త ఊరట లభించినట్లైంది. ఇవాళ బెయిల్ పిటిషన్ విచారణ సందర్భంగా హేమ తరఫున న్యాయవాది వాదనలు వినిపించారు. హేమ నుంచి ఎలాంటి మాదకద్రవ్యాలు లభించలేదని, చాలా రోజుల తర్వాత వైద్య పరీక్షలు నిర్వహించామని హేమ తరఫు న్యాయవాది మహేష్ కిరణ్ శెట్టి వాదించారు. దీంతో షరతులతో కూడిన బెయిల్ మంజూరు చేయాలని కోర్టు ఆదేశించింది.

మాస్ డైరెక్టర్ బోయపాటి శ్రీను దర్శకత్వంలో బాలకృష్ణ ఇప్పటికే మూడు సినిమాలు చేశారు. ఈ కాంబోలో ‘సింహ’, ‘లెజెండ్’, ‘అఖండ’ సినిమాలు బాక్సాఫీస్ వద్ద కాసుల వర్షాన్ని కురిపించాయి. ఇవాళ(సోమవారం) బాలకృష్ణ జన్మదిన సందర్భంగా బాలయ్య అభిమానులను సర్‌ప్రైజ్ చేశారు బోయపాటి. 

బాలయ్యతో తాను చేసే నాలుగో సినిమాకు సంబంధించిన పోస్టర్‌ను విడుదల చేశారు. అయితే సినిమాకు సంబంధించిన టైటిల్‌ను రివీల్ చేయలేదు. #BB4 అనే వర్కింగ్ టైటిల్‌ను ప్రకటించారు.14 రీల్స్ ఎంటర్టైన్‌మెంట్ బ్యానర్‌పై రామ్ ఆచంట, గోపి ఆచంట ఈ సినిమాను నిర్మిస్తున్నారు. బాలయ్య కూతురు తేజస్విని కూడా ఈ సినిమాకు నిర్మాతగా వ్యవహిస్తుండటం విశేషం. 

ఇదిలా ఉండగా 2021లో వచ్చిన అఖండ సినిమా భారీ విజయాన్ని కైవసం చేసుకోగా ఆ సినిమాకు సీక్వెల్‌గా అఖండ-2 ఉంటుందని అంతా అనుకున్నారు. అయితే బోయపాటి సినిమాకు సంబంధించి టైటిల్‌ను రివీల్ చేయకపోవడంతో #BB4 టైటిల్ వేరే సినిమా అయి ఉండొచ్చని పలువురు అంటున్నారు. ఏది ఏమైనా బోయపాటి, బాలయ్య కాంబినేషన్‌లో సినిమా అంటే మాస్ ప్లేక్షకులకు జాతరనే చెప్పాలి.

నీచ రాజకీయాలతో రామోజీరావు ఎన్నో అవమానాలు అనుభవించారని టాలీవుడ్ ప్రముఖ నటుడు రాజేంద్ర ప్రసాద్ అన్నారు. ఈనాడు అధినేత రామోజీరావు కన్నుమూయగా ఆయన భౌతికకాయానికి నివాళులర్పించారు. అనంతరం రాజేంద్ర ప్రసాద్ మీడియాతో మాట్లాడారు. 

ఈ చెత్త రాజకీయాల వల్ల రామోజీరావు పడిన అవమానాలు భగవంతుడు చూశాడని తెలిపారు. అందుకే రామోజీరావును అవమానించిన వారి పతనం చూసిన తర్వాతే దైవ సన్నిధికి వెళ్లారని అన్నారు. ఆయన అనుకున్నది సాధించి ఆనందంగా వెళ్లారని తెలిపారు. ప్రపంచం ఉన్నంత వరకు రామోజీరావు బతికి ఉంటారని అన్నారు. చరిత్రలో నిలిచిపోతారని రాజేంద్రప్రసాద్ వ్యాఖ్యానించారు.

ప్రముఖ వ్యాపారవేత్త, ఈనాడు సంస్థల అధినేత రామోజీరావు మృతితో పలువురు సినీ ప్రముఖులు సోషల్ మీడియా వేదికగా నివాళులర్పిస్తున్నారు. టాలీవుడ్ అగ్ర హీరో చిరంజీవి ట్వీట్ చేస్తూ.. ‘ ఎవరికీ తలవంచని మేరు పర్వతం.. దివి కేగింది.. ఓం శాంతి’ అంటూ ట్వీట్ చేశారు.

అదేవిధంగా జూనియర్ ఎన్టీఆర్ ఓ ట్వీట్ చేశాడు. ‘రామోజీ రావు లాంటి దార్శనీకులు నూటికో కోటికో ఒకరు. మీడియా సామ్రాజ్యాధినేత భారతీయ సినిమా దిగ్గజమైన ఆయన లేని లోటు ఎప్పటికీ పూడ్చలేనిది. ఆయన మన మధ్య ఇక లేరనే వార్త చాలా బాధాకరం. ‘నిన్ను చూడాలని’ చిత్రంతో నన్ను తెలుగు సినీ పరిశ్రమకి పరిచయం చేసినప్పటి జ్ఞాపకాలు ఎప్పటికి మరువలేను. ఆ మహనీయుడి ఆత్మకు శాంతి చేకూరాలని కోరుకుంటూ, వారి కుటుంబ సభ్యులకు నా ప్రగాఢ సానుభూతి తెలియజేస్తున్నా’ అంటూ పేర్కొన్నాడు. 

సినీ ఇండస్ట్రీలో ప్రస్తుతం రీరిలీజ్ ట్రెండ్ నడుస్తోంది. హీరోల జన్మదిన వేడుకలు లేదా సినిమా వార్షికోత్సవాల సందర్భంగా ఇదివరకు సూపర్ హిట్‌గా నిలిచిన చిత్రాలను విడుదల చేస్తున్నారు. దీంతో థియేటర్లలో అభిమానుల సందడి అంతాఇంతా కాదు. ఇదిలా ఉంటే యంగ్ రెబల్ స్టార్ ప్రభాస్ కెరీర్‌లోనే బిగ్గెస్ట్ హిట్‌గా నిలిచిన వర్షం, మిస్టర్ పర్‌ఫెక్ట్ సినిమాలు ఇప్పటికే రీరిలీజ్ అయిన విషయం తెలిసిందే. 

తాజాగా ప్రభాస్ నటించిన క్లాసికల్ మూవీ ‘చక్రం’ సినిమా విడుదలకు సిద్ధమవుతోంది. జూన్ 8వ తేదీన గ్రాండ్‌గా రీరిలీజ్ చేసేందుకు సన్నాహాలు చేస్తున్నారు. కృష్ణవంశీ దర్శకత్వంలో 2005లో విడుదలైన ఈ సినిమా అప్పట్లో మిశ్రమ ఫలితాలను అందుకుంది. అయినప్పటికీ చాలా మంది గుండెల్లో ఈ సినిమా ప్రత్యేక స్థానాన్ని సంపాదించుకుంది.

టీవీల్లో ఈ సినిమా ప్రసారమయ్యాక ప్రేక్షకాదరణ పెరిగింది. అయితే ఈ సినిమాలో మ్యూజిక్ డైరెక్టర్ చక్రి అందించిన పాటలు హైలెట్ అని చెప్పాలి. ఇప్పటికీ చాలా మంది తమ ప్లేలిస్ట్‌లో ఈ సినిమా పాటలు వింటుంటారంటే అతిశయోక్తికాదు. ఈ క్లాసికల్ సినిమాలో ఛార్మి, ఆసిన్‌లు హీరోయిన్లుగా నటించారు. అదేవిధంగా ప్రకాష్‌రాజ్ హీరో తండ్రి పాత్రలో నటించి మెప్పించారు.

బెంగళూరు రేవ్ పార్టీ కేసు అనేసరికి అందరికి మొదట గుర్తొచ్చేంది నటి హేమ. నిజానికి ఈ కేసు హేమ కారణంగానే ఇంత సంచలనంగా మారిందని చెప్పొచ్చు. ఈ కేసు నుంచి తప్పించుకునేందుకు ఆమె తీవ్రంగా ప్రయత్నించారు. రేవ్ పార్టీలో తాను లేనని నమ్మించేందుకు ప్రయత్నించారు. కానీ.. చివరికి ఆమె బ్లడ్ శాంపిల్స్‌లో డ్రగ్స్ తీసుకున్నట్టు తేలింది. దీంతో.. పోలీసులు ఆమెకు నోటీసులు ఇచ్చారు. ఇవాళ విచారణకు హాజరుకావాల్సి ఉన్నా హాజరుకాలేదు. 

అయితే.. ఆమె ఓ సంచలన వీడియో రిలీజ్ చేశారు. తప్పు చేయడనపు దేనకి భయపడాల్సిన అవసరం లేదని ఆమె చెప్పారు. అలా చెబుతూనే.. తప్పు చేయకుండా ఉండటానికి మనం ఏమైనా దేవుళ్లుమా? అని ప్రశ్నించారు. ఒక తప్పును కవర్ చేయడం కోసం వంద తప్పులు చేయాల్సి వస్తుంది. అందుకే.. తప్పు ఒప్పుకుంటే మంచింది. లేదంటే వంద అబద్దాలు ఆడాల్సి వస్తుంది. అని ఆమె చెప్పారు.

అందుకే తాను హ్యాపీగా ఉన్నానని ఆమె చెప్పారు. థింక్ పాజిటివ్.. మనసులో ఏం పెట్టుకోవద్దన్నారు. ఎవరేమన్నా ఊరుకోవద్దని సూచించారు. ప్రస్తుతం హేమ తన ఫ్యాన్స్‌తో లైవ్‌లో మాట్లాడిన వీడియో సోషల్ మీడియాలో వైరల్ అవుతోంది. తప్పు చేయకుండా ఉండటానికి మనం ఏమైనా దేవుళ్లుమా అని అన్నారంటే ఆమె డ్రగ్స్ తీసుకున్నట్టు ఒప్పుకుంటున్నట్టేనని చాలా మంది కామెంట్స్ చేస్తున్నారు.

విడిపోయి పదేళ్లు అవుతున్నా పవన్, రేణూ దేశాయ్ టాపిక్ ఇప్పటి హాట్ హాట్ గానే ఉంటుంది. అందుకే.. ఇప్పటికి చాలా మంది రేణూ దేశాయ్ ను పవన్ మాజీ భార్య అనే అంటారు. కానీ.. పవన్ ప్రస్తావన లేకుండా ఆమెనే పిలవరు. రేణూ దేశాయ్ సోషల్ మీడియాలో యాక్టివ్ గా ఉంటారు. చాలా సామాజిక అంశాలపై రెస్పాండ్ అవుతారు. సోషల్ మీడియాలో ఆమెకు పెద్ద ఫ్యాన్ భేష్ ఉంది. ఆమె పెట్టిన ప్రతీ పోస్టు కూడా పెద్ద ఎత్తున చర్చకు దారి తీస్తోంది.

సోషల్ మీడియాలో రేణూదేశాయ్ పెట్టిన పోస్టులకు పవన్ ఫ్యాన్స్ కామెంట్స్ ఆమెను ఇబ్బంది కలిగిస్తాయి. ఆ కామెంట్స్ పాజిటివ్ గా ఉన్నా రేణూ దేశాయ్ ఇబ్బంది పడతారు. దానికి కారణం.. ప్రతీ విషయంలో పవన్ కల్యాణ్ తో పోల్చుతూ కామెంట్స్ పెడతారు. దీంతో ఆమె కాస్తా ఇబ్బంది పడి.. ఘాటుగానే రియాక్ట్ అవుతారు. రీసెంట్ గా ఆమె అనాధ పిల్లలకు, జంతువులకు సహాయం చేస్తూ ఓ పోస్టు పెట్టారు. దీనికి ఓ నెటిజన్ పవన్ కల్యాణ్ లాగే మీరు కూడా గోల్డ్ హార్ట్ ఉన్న వ్యక్తి అని కామెంట్ చేశారు. దీనిపై ఆమె ఫైర్ అయ్యారు. ప్రతీ దాన్ని పవన్ తో ఎందుకు పోల్చుతారు అని మండిపడ్డారు. పవన్ కు పెంపుడు జంతువులపై ప్రేమ ఉండదు. కానీ.. నాకు చిన్నప్పటి నుంచే పెట్స్ అంటే ఇష్టం అని చెప్పారు. పవన్ నా భర్త కాదు.. అతనితో నన్న పోల్చొద్దని గట్టిగా రియాక్ట్ అయ్యారు.

అయితే ఇప్పుడు రేణూ దేశాయ్ ఇన్‌స్టాగ్రాంలో మరో పోస్టు చేశారు. పవన్ కల్యాణ్‌పై ఉన్న ప్రేమను ఇండైరెక్ట్‌గా తెలుపుతూ ఓ పోస్ట్ పెట్టారు. జానీ సినిమాలో పవన్ తో ఉన్న వీడియోను షేర్ చేస్తూ ' ఇది నేనేనా? నమ్మలేకపోతున్నా'  అని రాసుకొచ్చారు. అంతేకాదు.. రెండు లవ్ సింబల్స్ కూడా జత చేశారు. దీంతో.. పవన్ ఫ్యాన్స్ ఫుల్ ఖుష్ అవుతున్నారు.

తెలంగాణ రాష్ట్రంలో గంజాయి, డ్రగ్స్ పై ఉక్కుపాదం మోపాలని సీఎం రేవంత్ రెడ్డి అధికారులను ఆదేశించారు. డ్రగ్స్ సరఫరా చేయాలన్నా.. డ్రగ్స్ అనే పదం వినాలన్నా భయపడేలా, వణుకుపుట్టేలా చర్యలు చేపట్టాలని అన్నారు. మాదకద్రవ్యాల కేసుల్లో సెలెబ్రిటీలున్నా.. ఎంత పెద్దవారున్నా ఉపేక్షించొద్దని పోలీసులకు స్పష్టం చేశారు. అవసరమైతే డ్రగ్స్ కంట్రోల్ బృందాలను ఏర్పాటు చేయాలని సూచించారు. హైదరాబాద్ లోని కమాండ్ కంట్రోల్ సెంటర్ లో అన్ని శాఖల అధికారులతో రేవంత్ సమీక్ష నిర్వహించారు.  

రాష్ట్రంలో మాదకద్రవ్యాల నిర్మూలన కోసం తెలంగాణ యాంటీ నార్కోటిక్‌ బ్యూరో తీసుకుంటున్న చర్యలు, పురోగతి గురించి అడిగి తెలుసుకున్నారు సీఎం. అనుమానిత ప్రాంతాల్లో ప్రత్యేక డ్రైవ్ లు చేపట్టాలని.. సరిహద్దుల్లో ప్రత్యేక నిఘా పెట్టాలని ఆదేశించారు. తెలంగాణను డ్రగ్స్ రహిత రాష్ట్రంగా మార్చేందుకు ప్రణాళికలు రూపొందించాలన్నారు.   

హైదరాబాద్ మహానగరానికి సంబంధించి అత్యవసర సహాయక విభాగాలను అన్నింటినీ ఒకే గొడుకు కిందికి తెస్తూ విపత్తు నిర్వహణ వ్యవస్థను రూపొందించాలని అధికారులను ఆదేశించారు సీఎం రేవంత్. ORR లోపల ఉన్న ప్రాంతాన్ని ఒక యూనిట్ గా తీసుకుని విపత్తు నిర్వహణ వ్యవస్థను రూపొందించాలని సూచించారు. కేవలం వర్షాకాలంలో మాత్రమే కాకుండా ఏడాది పాటు పనిచేసేలా వ్యవస్థను రూపొందించాలని తెలిపారు. ఒక్కో విభాగం నుంచి ఒక్కో అధికారి బాధ్యత వహించేలా వ్యవస్థ ఉండాలన్నారు సీఎం. జూన్ 4 లోగా పూర్తి ప్రణాళికను సిద్ధం చేయాలని ఆదేశించారు. సీఎం బాధ్యతలు చేపట్టిన తర్వాత రేవంత్ రెడ్డి కమాండ్ కంట్రోల్ సెంటర్ లో సమీక్షా సమావేశం నిర్వహించారు.

మెగాస్టార్ చిరంజీవి ఏడు పదుల వయసులో కూడా తెలుగు సినీ ఇండస్ట్రీకి ఐకాన్ లా ఉంటారు. వయసు పెరిగే కొద్ది ఆయనలో క్రేజ్ పెరుగుతోంది తప్పా తగ్గడం లేదు. ఇటీవలే పద్మ విభూషణ్ అందుకున్న ఆయన వరుస సినిమా షూటింగ్‌లతో రెడీ అవుతున్నారు. చిరంజీవి నటించిన విశ్వంభర త్వరలో రిలీజ్ కానుంది. ఈ సినిమాపై ఇప్పటికే భారీ అంచనాలు ఉన్నాయి. వశిష్ఠ డైరెక్షన్‌లో రాబోతున్న ఈ సినిమాలో త్రిష హీరోయిన్‌గా నటిస్తున్నారు. దీంతో.. స్టాలిన్ కాంబోను మెగా ఫ్యాన్స్ గుర్తు చేసుకుంటున్నారు. త్రిష ఇప్పటికే షెట్స్ పైకి వెళ్లారు. షూటింగ్ ఫోటోలు కూడా బయటకు వచ్చాయి. అయితే, ఇప్పుడు ఈసినిమాకు సంబంధించి మరో ఇంట్రస్టింగ్ అప్డేట్ ఫిల్మినగర్‌లో వైరల్ అవుతోంది. 

చిరు సరసన త్రిషతో పాటు.. మరో నలుగురు హీరోయిన్లు నటిస్తున్నారని టాక్ నడుస్తోంది. వారి పేర్లు కూడా బయటకు వచ్చాయి. ఆషికా రంగనాథ్, మీనాక్షీ చౌదరి, సురభి, ఈషా చావ్లా కూడా విశ్వంభరలో ఉన్నారని అంటున్నారు. అయితే, త్రిష మెయిన్ రోల్‌లో ఉంటారని .. మిగిలిన వాళ్లు సపోర్టింగ్ క్యారెక్టర్లుగా ఉంటారని తెలుస్తోంది. అయితే.. ఆ నలుగురికి కూడా మంచి పాత్రలే దక్కాయని గుసగుసలు వినిపిస్తున్నాయి. 

ఇక ఈ వార్తపై సోషల్ మీడియాలో రకరకాలుగా కామెంట్స్ వస్తున్నాయి. మెగా ఫ్యాన్స్ మాత్రం ఓ రేంజ్‌లో సంబరాలు చేస్తున్నారు. ఏజ్ పెరిగే కొద్ది బాస్‌కి క్రేజ్ పెరుగుతోందని కామెంట్స్ చేస్తున్నారు. కానీ.. యాంటీ ఫ్యాన్స్ మాత్రం దారుణంగా ట్రోల్ చేస్తున్నారు. ఇంతమంది హీరోయిన్స్‌తో ఉమెన్స్ హాస్టల్ నడిపిస్తాడా? అని సెటైర్లు వేస్తున్నారు. మరికొంతమంది అయితే.. హిట్లర్ సీక్వెల్ తీస్తున్నాడా? అని అంటున్నారు. మొత్తానికి ఎవరి క్యారెక్టర్ ఏంటో తేలాలంటే మరి కొన్ని రోజులు ఆగాల్సిందే