టీమిండియా టీ20 వరల్డ్ కప్ సాధించడంపై ప్రధాని నరేంద్ర మోడీ ప్రశంసలు కురిపించారు. నిన్న సౌతాఫ్రికాతో జరిగిన ఫైనల్ మ్యాచ్ లో టీమిండియా దుమ్ము లేపింది. అన్ని విభాగాల్లో అద్భుతంగా రాణించి ఇండియా గెలిచింది. అయితే ఈ సందర్భంగా ప్రధానమంత్రి నరేంద్ర మోడీ ఓ వీడియోను విడుదల చేశారు. 

ఇందులో ఆయన మాట్లాడుతూ.. ఈ మ్యాచ్‌ చారిత్రాత్మకమైనదని, టీ20 ప్రపంచకప్‌ను భారత జట్టు తమదైన స్టైల్లో ఇంటికి తీసుకొచ్చిందంటూ ప్రశంసలు కురిపించారు. ఇంతటి ఘన విజయం సాధించిన ఇండియా టీమ్ కు దేశ ప్రజలందరి తరఫున అభినందనలు తెలిపారు. 

ఈ రోజు 140 కోట్ల మంది దేశప్రజలు మీ అద్భుతమైన ఆటతీరుకు గర్వపడుతున్నారు. ఈ విజయాన్ని అందరూ గుర్తుంచుకోవాలి. ఒక్క మ్యాచ్ లో కూడా ఓడిపోకుండా విజయాలు సాధించిన మీకు అభినందనలు అంటూ ఆయన ప్రశంసలు కురిపించారు. ఆయన షేర్ చేసిన వీడియో ఇప్పుడు సోషల్ మీడియాలో వైరల్ అవుతోంది.  

ఆసిస్ జట్టు అహంకార పూరిత మాటలను మాత్రం వదలట్లేదు. ఇప్పటికే పలుమార్లు ఇండియా మీద ఇలాంటి కామెంట్లు చేసింది ఆసిస్ టీమ్. ఇప్పుడు తాజాగా ఆసిస్ టీమ్ కెప్టెన్ మిచెల్ మార్ష్ కూడా ఇలాంటి వ్యాఖ్యలే చేశారు. తాజాగా తమ కంటే అన్ని విధాలుగా చిన్న జట్టు అయిన ఆఫ్గనిస్తాన్ తో ఆసిస్ జట్టు ఘోరాతి ఘోరంగా ఓడిపోయింది. 

21 పరుగుల తేడాతో ఓడిపోవడంతో ఆసిస్ జట్టు మీద రకరకాల మీమ్స్ వైరల్ అవుతున్నాయి. అయితే మ్యాచ్ అనంతరం మిచెల్ మార్ష్‌ మాట్లాడుతూ.. ఈ రోజు ఆఫ్ఘనిస్తాన్ జట్టు అద్భుతమైన ప్రదర్శన చేసి మమ్మల్ని ఓడించింది. పిచ్ పరిస్థితులను బట్టి ఏ జట్టు అయినా సరే టాస్ గెలిచాక ఫీల్డింగ్ ఎంచుకుంటాయి. 

ఈ రోజు మా ఇరువురి జట్లకు పిచ్ అనుకూలించింది. కాకపోతో ఓడిపోయాం. ఇక తర్వాత ఇండియాతో తప్పకుండా గెలుస్తాం. ఎందుకంటే మాకు గెలవడానికి ఇండియా కంటే మెరుగైన జట్టు మాకు దొరకదు. టీమ్ ఇండియాపై మేం గెలవాలని కోరుకుంటున్నా’ అంటూ కామెంట్ చేశాడు. అయితే టీమ్ ఇండియా ఓడిపోయే టీమ్ అనే విధంగా ఆయన చేసిన కామెంట్ మీద ఫ్యాన్స్ తీవ్ర ఆగ్రహం వ్యక్తం చేస్తున్నారు.

టీ20 ప్రపంచ కప్‌లో భారత్ సెమీస్ దిశగా దూసుకెళ్తోంది. సూపర్-8లో వరుసగా రెండో మ్యాచ్‌లోనూ గెలిచి సెమీస్ అవకాశాలకు మరింత దగ్గరగా వెళ్లింది. బంగ్లాదేశ్‌ను 50 పరుగుల తేడాతో చిత్తు చేసి గ్రూప్-1లో అగ్రస్థానంలోకి నిలిచింది. బ్యాటింగ్, బౌలింగ్ విభాగాల్లో సంపూర్ణ ఆధిక్యంతో బంగ్లాను చిత్తు చేసింది. అయితే, ఈ విజయంపై కెప్టెన్ రోహిత్ శర్మ ఆసక్తికర వ్యాఖ్యలు చేశాడు.

‘బ్యాటింగ్ చేసేటప్పుడు దూకుడు ప్రదర్శించడంపై ఇప్పటికే చాలాసార్లు చెప్పా. ప్రత్యర్థిపై ఒత్తిడి పెంచేందుకు ఇలా ఆడాల్సి ఉంటుంది. జట్టులో ప్రతీఒక్కరు అద్భుతంగా ఆడారు. పరిస్థితులకు త్వరగా అలవాటుపడి మంచి ప్రదర్శనను చూపారు. ఈ మ్యాచ్ జరుగుతున్న సమయంలో గాలి ప్రభావం ఎక్కువగా ఉంది.  బ్యాటింగ్, బౌలింగ్‌లో స్మార్ట్‌గా ఆలోచించాం. ఎనిమిది మంది బ్యాటర్లు బరిలోకి దిగడం కూడా కలిసొచ్చింది. అందరూ తమ బాధ్యతలను సక్రమంగా నిర్వర్తించారు. 

జట్టులో ఒకరు హాఫ్ సెంచరీ చేయడంతో బంగ్లా ముందు 197 పరుగుల లక్ష్యం ఉంచగలిగాం. టీ20ల్లో ఎక్కువగా ఫిఫ్టీ(50)లు, సెంచరీ(100)లు అవసరం లేదనుకుంటా. ప్రత్యర్థి బౌలర్లపై ఒత్తిడి తీసుకొస్తే పరుగులు సులువుగా వస్తాయి. జట్టులో ఎక్కువ అనుభవమున్న ప్లేయర్లే ఉన్నారు. పాండ్య బ్యాటింగ్‌లో మెరిస్తే మాదే పైచేయి అవుతుందని గత మ్యాచ్ సమయంలోనే వెల్లడించా. మిడిలార్డర్, లోయర్ ఆర్డర్‌తో కలిసి పరుగులు చేసే బాధ్యతను పాండ్య తీసుకున్నాడు. బౌలర్‌గానూ మాకు అత్యంత కీలకమైన ప్లేయర్. కుల్దీప్, బుమ్రా గురించి ప్రత్యేకంగా చెప్పనక్కర్లేదు’ అని రోహిత్ చెప్పుకొచ్చాడు.

టీ20 ప్రపంచ కప్ లో టీమిండియా అదరగొడుతోంది. ఇప్పటికే వరుసగా గ్రూప్ స్టేజ్ మ్యాచుల్లో విజయం సాధించింది. దాంతో మన టీమ్ తదుపరి దశ అంటే సూపర్-8 కు చేరుకుంది. సూపర్-8 మ్యాచ్ ల కోసం బార్బడోస్ కు చేరుకుంది. ఇక్కడ ఇప్పుడు ఆఫ్ఘనిస్తాన్ తో ఆడేందుకు రెడీ అవుతోంది మన టీమ్ ఇండియా.

కాగా ఈ మ్యాచ్ కు రెడీ అయ్యేందుకు టీమ్ ఇండియా ఇప్పటికే బిజీబిజీగా గడిపేస్తోంది. ఈ క్రమంలోనే మ్యాచ్ కు ముందు మన టీమ్ ఇండియా ఆటగాళల్ఉ బీచ్ లో తెగ ఎంజాయ్ చేశారు. బార్బడోస్ చేరుకున్న తర్వాత బీచ్ లో అంతా తేలారు. అక్కడ ఆటగాళ్లు రెండు గ్రూప్ లుగా విడిపోయారు. 

వారంతా కూడా మరో ఆట ఆడారు. అదేనండి వాలీవాల్. కాకపోతే ఇందులో ఎవరికీ షర్టులు లేవు. కేవలం షార్ట్స్ వేసుకుని అందరూ ఇలా అర్థనగ్నంగా ఆడారన్నమాట. అయితే వీరంతా క్రికెట్ కు కాసేపు విరామం ఇవ్వాలనే నెపంతోనే ఇలా కాసేపు టైమ్ పాస్ చేశారని తెలుస్తోంది. ఇందుకు సంబంధించిన ఫొటోలు, వీడియోలు ప్రస్తుతం సోషల్ మీడియాలో వైరల్ అవుతున్నాయి. 

టీమ్ ఇండియా ఫ్యాన్స్ కు బ్యాడ్ న్యూస్ వచ్చేలా ఉంది. ఎందుకంటే ఈ రోజు రాత్రి 8 గంటలకు టీమ్ ఇండియా-కెనెడా మ్యాచ్ ఉంది. ఇప్పటికే టీ20 ప్రపంచ కప్ లో వరుసగా నాలుగు మ్యాచ్ లలో గెలిచిన ఇండియా.. సూపర్-8కు చేరుకుంది. కానీ కెనెడా మాత్రం ఇంకా లీగ్ దశలోనే ఉంది. 

కాగా నేడు మ్యాచ్ జరిగే ఫ్లోరిడాలో భారీ వర్షాలు పడుతున్నాయి. కాబట్టి ఈ మ్యాచ్ రద్దయ్యే అవకాశాలే ఎక్కువగా కనిపిస్తున్నాయి. పైగా ఇవాళ రాత్రి మ్యాచ్ జరిగే సమయంలో కూడా వర్షంపడే అవకాశం 50 శాతం ఉందని వాతావరణ అధికారులు తెలుపుతున్నారు. కాబట్టి మ్యాచ్ జరగకపోవచ్చని అంటున్నారు. 

ఈ గ్రౌండ్ లో నిన్న అమెరికా, ఐర్లాండ్ మ్యాచ్ కూడా వర్షం కారణంగా ఆగిపోయింది. కాబట్టి ఈ రోజు కూడా మ్యాచ్ ఆగిపోయే ఛాన్స్ ఉంది. అయితే ఈ రోజు మ్యాచ్ ఆగిపోయినా ఎవరికీ పెద్దగా నష్టం ఉండదు. ఇప్పటికే ఇండియా సూపర్-8కి చేరుకుంది కాబట్టి ముందుకు వెళ్తుంది. కానీ కెనడా మాత్రం నిష్క్రమిస్తుంది.

టీ20 ప్రపంచ కప్‌లో హ్యాట్రిక్ విజయాలు సాధించి గ్రూప్-A నుంచి భారత్ సూపర్ -8లోకి అడుగు పెట్టింది. యూఎస్ఏతో బుధవారం జరిగిన మ్యాచ్‌లో 111 పరుగుల టార్గెట్‌ను ఛేదించి ఏడు వికెట్ల తేడాతో భారత్ ఘన గెలిచి రెండో స్టేజ్‌కు చేరుకుంది. కాగా, సూపర్-8 కు చేరుకోవడం టీమిండియాకు బిగ్ రిలీఫ్ అని కెప్టెన్ రోహిత్ శర్మ అన్నాడు. కఠినమైన పిచ్‌పై సూర్యకుమార్ (50*), శివమ్ దూబె (31*) పరిణతి కనబరిచారని టీమ్ ఇండియా రోహిత్ వ్యాఖ్యానించాడు. 

అదేవిధంగా యూఎస్ఏకు ప్రాతినిధ్యం వహిస్తున్న భారత మూలాలు కలిగిన క్రికెటర్లను మెచ్చుకున్నారు. గతేడాది ఎంఎల్సీ (మేజర్ లీగ్ క్రికెట్)లో వారి ఆటను చూశామని నిరంతరం మెరుగవుతూ ఉన్నారని తెలిపాడు. ఈ మ్యాచ్ అత్యంత క్లిష్టంగా ఉంటుందని తెలుసని ఏక్షణమైనా ఫలితం మారవచ్చని అభిప్రాయపడ్డారు. ఇలాంటి పిచ్‌పై 110+ స్కోర్‌ అయినా మంచి లక్ష్యమే అవుతుందని తెలిపాడు. అయితే, సూర్యకుమార్‌తో పాటు శివమ్ దూబె కీలక భాగస్వామ్యం నిర్మించడంతో మ్యాచ్‌పై పట్టు సాధించగలిగామని చెప్పాడు. 

ఈ మ్యాచ్‌లోనూ చివరి వరకూ పోరాడామన్న రోహిత్ ఆత్మవిశ్వాసంతో రెండో స్టేజ్‌కు వెళ్లగలిగామని చెప్పుకొచ్చాడు. తక్కువ స్కోరు నమోదైనప్పటికీ బౌలర్లదే పైచేయి అవుతుందన్నారు. కాసేపు ఆచితూచి ఆడాల్సి ఉంటుందని, సూర్య, దూబె అదే చేశారని తెలిపాడు. యువ బౌలర్ అర్ష్దీప్ మరోసారి తన సత్తా చాటాడని, బౌలింగ్ మరిన్ని ఆప్షన్లు ఉండటం మంచిదేనని తెలిపాడు. అందుకే ఈసారి దూబెతో బౌలింగ్ చేయించామన్నాడు.

త‌మ అభిమాన క్రికెట‌ర్ల‌ను ప్ర‌త్య‌క్షంగా కలవడానికి అభిమానులు ఉవ్విల్లూరుతుంటారు. మ్యాచ్ జ‌రుగుతోన్న స‌మ‌యంలో సెక్యూరిటీని దాటుకొని గ్రౌండ్ వ‌చ్చే సీన్స్ చాలా సార్లు క‌నిపిస్తూనే ఉంటాయి. తాజాగా టీ20 ప్రపంచకప్ 2024కు ముందు భారత్ ఆడిన వార్మప్ మ్యాచులో అలాంటి సంఘటనలో జరిగింది. ఈ మ్యాచ్‌లో సెక్యూరిటీ కళ్లుగప్పి ఓ అభిమాని గ్రౌండ్‌లోకి దూసుకొచ్చాడు. 

ఫీల్డింగ్ చేస్తున్న రోహిత్‌ శర్మ వద్దకు నేరుగా వెళ్లి హగ్ చేసుకున్నాడు. దీంతో పోలీసులు వెంటనే అప్రమత్తమయ్యారు. గ్రౌండ్‌లోకి దూసుకొచ్చి సదరు అభిమానిని నేలపై పడుకోబెట్టి చితకబాదారు. ఇది గమనించిన రోహిత్ శర్మ.. వద్దని చెబుతున్నా పోలీసులు వినిపించుకోలేదు. సదరు వ్యక్తిపై తమ కోపాన్ని ప్రదర్శించారు. 

ఇది గమనించిన మ్యాచ్ నిర్వాహకులు రోహిత్ శర్మ చేస్తున్న రిక్వెస్ట్‌ను పోలీసులు తెలిపారు. అయినా అత‌డిని ఈడ్చుకుంటూ గ్రౌండ్ నుంచి తీసుకెళ్లారు. ఇందుకు సంబంధించిన వీడియో సోషల్ మీడియాలో వైరల్‌గా మారింది. కాగా సదరు అభిమానిని రక్షించేందుకు టీమిండియా కెప్టెన్ రోహిత్ శర్మ చేసిన ప్రయత్నంపై నెటిజన్లు ప్రశంసలు కురిపిస్తున్నారు. 

వార్మ‌ప్ మ్యాచ్‌లో బంగ్లాదేశ్‌ను చిత్తుగా ఓడించింది టీమ్ ఇండియా. ఈ మ్యాచ్‌లో తొలుత బ్యాటింగ్ చేసిన టీమిండియా ఇర‌వై ఓవ‌ర్ల‌లో 182 ర‌న్స్ చేసింది. దాదాపు ఏడాదిన్న‌ర త‌ర్వాత టీమిండియాలోకి రీఎంట్రీ ఇచ్చిన వికెట్ కీప‌ర్ రిష‌బ్ పంత్ హాఫ్ సెంచ‌రీతో అద‌ర‌గొట్టాడు. 32 బాల్స్‌లో నాలుగు ఫోర్లు, నాలుగు సిక్స‌ర్ల‌తో 53 ర‌న్స్ చేశాడు. హార్దిక్ పాండ్య 40, సూర్య‌కుమార్ యాద‌వ్ 31 ర‌న్స్‌తో రాణించారు.
ల‌క్ష్య ఛేధ‌న‌లో త‌డబ‌డిన బంగ్లాదేశ్ 122 ప‌రుగులు మాత్ర‌మే చేసింది.

టీమ్ ఇండియా స్టార్ క్రికెటర్ రిషబ్ పంత్ చాలా రోజుల విరామం తర్వాత మైదానంలోకి అడుగుపెట్టాడు.  ఇండియన్ ప్రీమియర్ లీగ్‌లోనూ బాగా ఆడటంతో టీ20 ప్రపంచ కప్ కోసం ప్రకటించిన భారత జట్టులో స్థానం సంపాదించాడు. ఇప్పటికే అమెరికా చేరుకున్న పంత్.. తాను తీవ్రంగా గాయపడినప్పుడు ఎదుర్కొన్న సమస్యలను క్రికెటర్ శిఖర్ ధావన్ హోస్ట్‌గా వ్యవహరిస్తోన్న ఓ షోలో తనఅనుభవాలను ప్రేక్షకులతో పంచుకున్నాడు. 

పంత్ మాట్లాడుతూ.. ‘రోడ్డు ప్రమాదం నా జీవితాన్ని చాలా మార్చింది. ఆ సమయం ఎంతో అనుభవం నేర్పింది. తీవ్ర గాయాల కారణంగా ప్రాణాలతో ఉంటానో లేదో అనిపించింది. ఏడు నెలల పాటు భరించలేని నొప్పిని అనుభవించా. అది నరకంగా అనిపించింది. దాదాపు రెండు నెలలు బ్రష్ చేసుకోలేకపోయాను. వీల్‌చైర్‌లో ఉండే వ్యక్తులను చూస్తే ఇబ్బందిగా అనిపించేది. భయంగా ఉండేది. అందుకే ఎయిర్‌పోర్టుకు వెళ్లలేకపోయా. కానీ, భగవంతుడు రక్షించాడు’ అని రిషబ్ పంత్ తన అనుభవాలను గుర్తు చేసుకున్నాడు.

అయితే, 2022 డిసెంబరులో జరిగిన రోడ్డు ప్రమాదంలో పంత్ తీవ్రంగా గాయపడిన విషయం తెలిసిందే. ఆ తర్వాత 15 నెలల పాటు క్రికెట్‌కు దూరంగా ఉన్నాడు. తిరిగి మైదానంలోకి అడుగు పెట్టేందుకు తీవ్రంగా శ్రమించాడు. ఫిట్‌నెస్‌పై ప్రత్యేక దృష్టి పెట్టి తిరిగి ఫామ్‌లోకి వచ్చాడు. ఐపీఎల్‌లోనూ అదరగొట్టి మరోసారి అభిమానుల ఆదరణ గెలుచుకున్నాడు.