భారత విదేశీ మారకద్రవ్య నిల్వలు ఆల్‌ టైమ్ రికార్డ్ సాధించాయి. తొలిసారిగా 650 బిలియన్ డాలర్ల మార్కును అధిగమించి రికార్డు నెలకొల్పాయి.  మే 31 నాటికి భారతదేశ ఫారెక్స్ నిల్వలు 651.5 బిలియన్ డాలర్లుగా ఉన్నాయి. ఆ వారంలో 4.8 బిలియన్ డాలర్ల ఫండ్ పెరుగుదల కనిపించింది. ఫారెక్స్ ఫండ్ మునుపటి వారంలో 2 బిలియన్ డాలర్లు తగ్గింది. మే 31తో ముగిసిన వారంలో కొత్త రికార్డు గరిష్ట స్థాయికి చేరింది. 

మానిటరీ పాలసీ కమిటీ మూడు రోజుల సమావేశం అనంతరం ఆర్‌బీఐ గవర్నర్ శక్తికాంత దాస్ విలేకరుల సమావేశంలో మాట్లాడారు. ఫారెక్స్ నిల్వలు పెరిగాయని, ఫారెక్స్ ఫండ్ పెరుగుదలకు సంబంధించిన సమాచారాన్ని ఆర్‌బిఐ ఈ సాయంత్రం ప్రచురించనున్నట్లు తెలిపారు. మే 24తో ఫారెక్స్ లిక్విడిటీ ఫండ్ 646.673 బిలియన్ డాలర్లుగా ఉంది. అంటే దాదాపు రూ.53.7 లక్షల కోట్ల ఫారెక్స్ నిధులు ఉన్నాయి. 

ఆర్థిక వ్యవస్థ బాహ్య కారకాల ప్రభావం లేకుండా పటిష్టంగా అభివృద్ధి చెందిందని  భారత ఆర్థిక వ్యవస్థపై ఆర్‌బీఐ గవర్నర్ శక్తికాంత దాస్ ఆశాభావం వ్యక్తం చేశారు. కాగా, ఆర్‌బీఐ ఆరుగురు సభ్యుల ఎంపీసీ సమావేశం రెపో రేటును నిర్ణయించింది. 6.50కి కొనసాగించాలనే నిర్ణయానికి 4:2 మద్దతు లభించింది. 2024-25 ఆర్థిక సంవత్సరంలో జడీపీ  7.2శాతం పెరగవచ్చని అంచనా వేసింది ఆర్‌బీఐ. రుతుపవనాల ప్రభావంతో వర్షాలు బాగా కురుస్తాయని, ఫలితంగా ద్రవ్యోల్బణం తగ్గే అవకాశం ఉందని ఆర్‌బీఐ ఆశాజనకంగా ఉంది.

బంగారం కొనాలనుకునే మహిళలకు ఇది గుడ్ న్యూస్ అనే చెప్పాలి. తాజాగా బంగారం ధరలు భారీగా తగ్గాయి. కొద్ది రోజులుగా పెరుగుతూ వస్తున్న బంగారం ధర ఇవాళ(మంగళవారం) తగ్గింది. ప్రస్తుతం 10 గ్రాముల 22 క్యారెట్ల ధర రూ. 600 తగ్గి రూ.68,300గా ఉంది. అదేవిధంగా 10 గ్రాముల 24 క్యారెట్ల బంగారం ధర రూ.650 తగ్గి రూ.74,510కు చేరింది. ఇక కేజీ వెండి ధర రూ.2000 తగ్గి రూ.99,000 వద్ద కొనసాగుతోంది.

తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖప‌ట్ట‌ణంలో దాదాపు ఇవే ధరలు ఉండనున్నాయి. ఇక, దేశ రాజధాని ఢిల్లీలో 22క్యారట్ల 10గ్రాముల బంగారం ధర రూ.68,450గా ఉంది. 24క్యారట్ల 10 గ్రాములు బంగారం రూ.74,660 ఉండగా ముంబయి, కోల్ కతా, బెంగళూరు నగరాల్లో 22క్యారట్ల 10గ్రాముల గోల్డ్ ధర రూ.68,300గా ఉంది. 24క్యారట్ల 10గ్రాముల బంగారం ధర రూ. 74,510గా కొనసాగుతోంది. చెన్నైలో 22క్యారెట్ల 10 గ్రాముల గోల్డ్ ధర రూ.68,600 కాగా.. 24క్యారెట్ల గోల్డ్ ధర రూ.74,840 ఉంది.